橋香園雲南過橋小鍋米線

营业中

休息中

闲话唔多讲，直接入主题。你间舖头嘅牛肝菌你一定要事，系一定要试。如果你本身系一个钟意食菇嘅朋友，牛肝菌绝对啱你食，佢嘅牛肝菌充满阵阵既菇味，而且口感亦都非常特别，绝对唔能够纸上谈兵，就话到俾你知有几咁好食佢嘅牛肝菌，一定要亲身去食先知道有几好食。我本身都系钟意食辣嘅，呢间舖头嘅米线当然有唔同嘅辣到可以选择，不过佢嘅辣超级香，亦都充满麻嘅味道，令人齿颊留香，足以绕梁三日。佢既辣除咗值得称赞之外，佢嘅辣猪肉碎，亦都好出色，充满阵阵嘅肉香味，如果未食过嘅朋友仔相信第一次食，就已经谂定下一次几时会去食啦。今次你去开，老板亦都极力推荐试吓佢嘅汁捞鱿鱼，话系新菜式㖞。食落去发觉佢嘅特制酱汁同鱿鱼嘅味道10分融合，可以带出鱿鱼嘅鲜味，再配合埋鱿鱼嘅口感，呢啲菜式可以话系完美杰作。总结，如果你系未食过嘅朋友，第一次去食嘅话，一定要试佢嘅牛肝菌，如果你系去过嘅朋友，又未食过牛肝菌嘅话，一定要系去食佢嘅牛肝菌。利申：牛肝菌打手。