Amore di Italian Restaurant (已結業)

家人生日想食餐好的西餐，见到呢间野有咁多好评就去试下，点知又贵又唔好食。生日饭之前几日，有位餐厅的男士打电话问要唔要订佢地最出名的蓝龙虾，当时冇讲明价钱几多，只话视乎当日攞到只咩龙虾。因为家人爱龙虾，都OK啦，于是订左一只蓝龙虾。到生日饭当日，我坐低冇耐去左洗手间，期间有餐厅职员拎左只龙虾出黎俾老人家望一望，即刻走左。到我返回座位之后，要求佢地再俾我睇下只蓝龙虾时，职员表示已经拎左去煮。我话我未见过只野又唔知几多钱，咩都唔知就拎左去煮? 之后隔左成十几分钟，个职员先覆番我只龙虾约$890。到只龙虾上台，我见到系一只比手掌大少少的龙虾，切开左两边，D肉得几粒，一D都冇夸张，系几粒!!! 肉质仲好「鞋」，令我觉得只野一系就OVERCOOKED, 一系就唔新鲜。 如果呢样系招牌菜，SORRY! 真系唔推介大家食。价钱贵唔食问题，唔值呢个贵价先系问题。如果俾$890可以食番值$890的水准，好多人都愿意俾。但俾$890食快餐店水准都不如的食物，实在系揾笨!另一样唔值菜式，系PARMA HAM，$180得4条幼条，质素连响超市买平价果D都不如。其余菜式如猪柳、鹅肝及牛扒，都系平平无奇。