太郎居酒屋

营业中

休息中

话说跟英国回来的亲戚饯行，佢哋想食日本嘢，于是喺网上搜索到这间太郎居酒屋，咁就$200订位，本身都心存期待，点知去到就觉得中伏。一. 我们一行七人，佢合并埋三张二人枱，第七个人需要坐喺走廊，本身都冇咩所谓，但是在走廊的位置是刚刚在厕所门口旁边，可能是因为他们的地方浅窄，所以就算了。二.食物质素，其中一个主食叫个鳗鱼炒饭，个鳗鱼炒饭嚟到嘅时候，全部人都问同一个问题，乜啲炒饭咁湿嘅，系唔系日式嘅炒饭系湿炒为主，我都唔知讲咩好，我从来都未食过咁湿润嘅炒饭，可能真系唔识食。个寿喜烧同埋广岛蚝锅嘅质素同和民有得挥，但系价钱应该贵过和民一倍。你收得呢个价钱，但系俾唔到呢个质素，我只能够讲真系好失望。三. 食物卫生，当天嗌咗四只生蚝，竟然有份食过嘅人返去都肚疴，生蚝嚟到嘅时候温度已经系室温，可能喺室温放咗一段好长嘅时间，所以不排除有细菌。四. 人手问题，成个场都系得一个人serve 晒所有枱，叫佢加水都要等好耐，唔知系唔系因为得一个人做嘢，所以俾钱嘅时候店员提都忘记咗订金𠮶$200 ，搞到要第二日打电话去追番。