Seoulmate (MONTEREY Place)

营业中

休息中

今日同男朋友去将军澳行街去下Donki朝圣，顺便食埋晚饭。𠮶度的确系将军澳临海最清幽嘅地方，同埋开咗好多可以Chill下嘅Cafe同埋小餐厅，系一个relax and chill好选择。我地㨂左间装修几靓嘅韩国菜Seoulmate入去试下。带子豆腐沙律🥗: 有我最钟意嘅柚子酱同麻酱，味道好match，配上沙律菜上嘅轻煎带子，好大粒咬落去非常弹牙，仲加埋啲日本海草，食落去非常新鲜，酸酸甜甜好开胃。烧酒煮带子配韩式粉丝🍲: 蚬肉好新鲜而且份量都多，然后粉丝都吸晒清酒汤嘅精华，忍唔住都饮咗少少汤。乌卒卒火山饭: 卖相很不错👍🏿尤其喜欢佢对怒火眼睛。我哋先整开个火山口上面嘅蛋黄，蛋浆慢慢流落嚟，就好似火山爆发紧咁样，望到都觉得开心🥳。原来灰色火山皮系蛋白，入边原来系忌廉蟹肉蘑菇饭，配搭新鲜，味道非常有层次。两个人点三款菜式都够饱，希望下次再试下个甜品同其他招牌菜。