L'Eclipse (已結業)

朋友话呢间餐厅好多人食过赞好, 于是一试. 冷盘方面都唔错, 龙虾几鲜甜而且多膏. 刺身得三款选择, 不过好彩够新鲜. 生蚝只得两款选择, 但系烧生蚝就可以自已拣唔同汁料叫师傅即场烧. 其实热盘无咩点食过, 因为嚟嚟去去都系差唔多款式, 提唔起我既兴趣. 头盘方面有四款选攞, 我拣咗鲍鱼同虎虾, 味道唔错. 另外每人可以order一客梳乎厘. 值得推介系鹅肝, 好好味, 一定要试. 甜品方面虽然选择唔多, 但系啲朱古力甜品好正, 喜好朱古力人仕啱晒(顾客仲可以喺柜台另外购买朱古力回家享用). 另外我最钟意食既士多啤梨又甜又多汁, 令我食唔停口. 个人认为食物质素值回票价, 值得一试.