影片
更多
2011-12-01
1305 浏览
好友生日想食铁板烧, 当中有朋友推介呢间秋田日式铁板烧专门店, 地点都好就脚, 正正喺尖沙咀诺士佛台既酒吧街, 唔驶上楼. 食饱饱仲可以喺隔离酒吧街叹返杯tim. 未食之前都有喺open rice search过几间食铁板烧既餐厅, 但论食物, 环境, 服务, 地点同其他食评都觉得"秋田"值得一试, 果然不负众望, 真系好好味呀....5粒, 我会比4.5个啰, 扣咗𠮶𠮶0.5就系因为价钱都比较贵, 我地12人叫咗6个2人套餐, 每人约$650我地一行12人, 可以book到一间独立既房, (min. charge要$6000). 入到去有2个铁板烧既炉头, 即系有2位厨师serve我地啦, 我地12个人就U字型咁坐喺厨师面前欣赏佢地既表演.特别一赞系佢地既抽气系统真系一流, 全晚真系唔会feel到有油烟味.因为我之前食过一d铁板烧, 可能因为通风同抽气既不足, 搅到成身都系一阵铁板烧味.系人都知我食完铁板烧啦. 头盘系沙律, 有沙律菜, 粟米, 青瓜, 番茄同蟹子, 配埋佢地特制既酱汁(类似千岛海鲜酱), 酸酸甜甜咁, 真系好开胃呀...呢个头盘唔似其他餐厅既沙律咁求其, 你会fee
好友生日想食铁板烧, 当中有朋友推介呢间秋田日式铁板烧专门店, 地点都好就脚, 正正喺尖沙咀诺士佛台既酒吧街, 唔驶上楼. 食饱饱仲可以喺隔离酒吧街叹返杯tim. 未食之前都有喺open rice search过几间食铁板烧既餐厅, 但论食物, 环境, 服务, 地点同其他食评都觉得"秋田"值得一试, 果然不负众望, 真系好好味呀....5粒, 我会比4.5个啰, 扣咗𠮶𠮶0.5就系因为价钱都比较贵, 我地12人叫咗6个2人套餐, 每人约$650
我地一行12人, 可以book到一间独立既房, (min. charge要$6000). 入到去有2个铁板烧既炉头, 即系有2位厨师serve我地啦, 我地12个人就U字型咁坐喺厨师面前欣赏佢地既表演.特别一赞系佢地既抽气系统真系一流, 全晚真系唔会feel到有油烟味.因为我之前食过一d铁板烧, 可能因为通风同抽气既不足, 搅到成身都系一阵铁板烧味.系人都知我食完铁板烧啦.
头盘系沙律, 有沙律菜, 粟米, 青瓜, 番茄同蟹子, 配埋佢地特制既酱汁(类似千岛海鲜酱), 酸酸甜甜咁, 真系好开胃呀...呢个头盘唔似其他餐厅既沙律咁求其, 你会feel到佢真系连咁简单既前菜都咁有心机.
食完咁好味既沙律后, 厨师就为我地准备一味小食，系鹅肝鱼子蒸蛋, 你会见到都有好多鱼子喺面, 而粒鹅肝就放咗入d蛋度一齐蒸, 食落去d蛋蒸得啱啱好同好滑, 唔会”鞋”口. Yummy!!!! 其中一度主菜嚟la…灯灯灯灯, 就系火焰龙虾….
2位厨师每人负责3只龙虾, 3只生猛既龙虾就咁放咗落铁板度, 厨师开始表演la, 我地个个都眼甘甘咁睇住, 细心既厨师事前话比我地知佢要放火la, 如果唔系实比佢吓亲(都几大火架), 跟住厨师手起刀落就将龙虾头同身解体, 厨师将龙虾肉切粒跟龙虾膏一齐煮, 龙虾头就攞入厨房煲汤. 每人分到4-5旧龙虾肉既份量, 咁既份量啱啱好, 唔会太腻, 因为我仲要留返个肚食其他嘢架嘛.其实佢编排既时间啱啱好, 唔会有太多闷场时间, (人地唔知真系以为我睇紧show). 好快下一个主角出场la, 就系新鲜鲍鱼,
咦!!点解咁细只既, 我见其他食评既人话有成手掌咁大架㖞, 我家姐食过佢都话系…细问之下, 原来大只既鲍鱼冇货呀(有d失望咁啰…)鲍鱼又系活生生咁比厨师放上铁板𠮶度煮, 跟住厨师就将鲍鱼切粒, 连同自制既酱汁一齐煮, 食落口鲍鱼软硬适中, 唔会系𠮶d到赵唔开𠮶d啰.应该系够新鲜既关系.Next Next…到鹅肝多士出场
件鹅肝size大到同厚到呢!!! 鹅肝放喺铁板度烧, 睇下厨师几细心咁煮就知会系好好味啦. 最后倒d红酒落去煮, 睇见都口水流. 哗…点解件鹅肝仲大过块多士架, 真系值回票价. 鹅肝煎得皮脆肉嫩, 从未食过咁”肥大肉厚”既鹅肝架, 真系好满足呀…胆固醇高既朋友就要say no啦…同场仲有牛肉卷, 翠玉瓜同银鳕鱼…到我期待既炒饭时间喇, (唔系化, 炒饭都期待?)
系呀, 因为厨师会用白饭同所需既材料砌成公仔. 你可以要求厨师砌成你喜爱既公仔, 但梗系唔可以咁复杂啦.咁我生日个friend就想整个开心既笑脸, 意思系想人人都开心㖞!首先张蛋炒饭做成一块脸, 再用葱花做成头发, 黑色鱼子就做眼同口, 红萝卜粒就用作鼻同领呔, 白饭再砌成白裇衫, 有人话想公仔着件黑色衫㖞, 咁即系想用黑色鱼子砌la（都几大贪㖞）哈哈哈, 待我地影完相后，厨师就张所有材料一起炒, 咁就变成一碗色香味俱全既开心炒饭, 希望食咗之后日日都开心啦.食饱饱后又点会少咗甜品呢, 首先嚟个雪榚先, 有绿茶同芝麻味, 2款都系我至爱呀. 之后就有即制既叮当豆沙锅饼.
厨师好细心咁张蛋浆倒落铁板上砌成一个个圆圈, 再喺上面放上豆沙, 咁新鲜热辣既豆沙锅饼就食得啦, 饼皮煎得有少少脆, 豆沙馅又唔会太甜, 唔怪得叮当咁钟意食啦. 是夜咁美味既一顿晚餐就完结啦.
题外话/补充资料：
生日既朋友会赠送一个birthday cake, 因为我地自己买咗既关系, 所以无要到...
(以上食记乃用户个人意见 , 并不代表OpenRice之观点。)
张贴
