影片
更多
2020-07-29
1789 浏览
禁堂食令听日就开始啦，嚟紧又唔知要挨几耐外卖，所以今日唔理得咁多，一于要食好啲！【佐乐】喺Times Square后面，楼上舖私密度高啲，不过识食嘅自然知道。传统日式装潢几高雅，店员亦都好有礼貌，整体感觉真系好日式。餐厅有多款set lunch选择，今日放假可以hea住食，就叫咗set【和牛极上部位寿喜烧锅御膳】慢慢叹。【有机菜沙律】有机菜好新鲜，仲有我钟意嘅火箭菜，不过最特别系个沙律汁，系用苹果、甘荀、洋葱整嘅，清新酸甜味，refreshing~前菜系【枝豆豆腐】豆腐入面有粟米粒同枝豆粒，睇个样同马豆糕有啲似。豆腐上面有少少wasabi，冰冻豆腐加wasabi嘅刺激感，又唔会抢咗味道，几特别。【菜碗蒸】热辣辣嘅茶碗蒸，蛋味浓郁蛋香十足，口感好滑好水润，里面仲有冬菇同鲜嫩鸡肉。好好味呀～另外唔少得【小钵】呢啲传统食品。【和牛极上部位寿喜烧锅御膳】寿喜烧最重要系佢嘅汤汁，试一啖，香甜浓厚～和牛都几多片，片片都布满雪花，入口即溶同时散发油香～另外仲有好多新鲜蔬菜、菇菌、蒟蒻丝、大葱等等，好正宗嘅寿喜烧。配饭可以㨂白米饭或杂谷米饭，仲系任添㗎，一啖饭加少少寿喜烧汁再连和牛一齐食，满口香甜油香
【佐乐】喺Times Square后面，楼上舖私密度高啲，不过识食嘅自然知道。传统日式装潢几高雅，店员亦都好有礼貌，整体感觉真系好日式。
餐厅有多款set lunch选择，今日放假可以hea住食，就叫咗set【和牛极上部位寿喜烧锅御膳】慢慢叹。
【有机菜沙律】有机菜好新鲜，仲有我钟意嘅火箭菜，不过最特别系个沙律汁，系用苹果、甘荀、洋葱整嘅，清新酸甜味，refreshing~
前菜系【枝豆豆腐】豆腐入面有粟米粒同枝豆粒，睇个样同马豆糕有啲似。豆腐上面有少少wasabi，冰冻豆腐加wasabi嘅刺激感，又唔会抢咗味道，几特别。
【菜碗蒸】热辣辣嘅茶碗蒸，蛋味浓郁蛋香十足，口感好滑好水润，里面仲有冬菇同鲜嫩鸡肉。好好味呀～另外唔少得【小钵】呢啲传统食品。
【和牛极上部位寿喜烧锅御膳】寿喜烧最重要系佢嘅汤汁，试一啖，香甜浓厚～和牛都几多片，片片都布满雪花，入口即溶同时散发油香～另外仲有好多新鲜蔬菜、菇菌、蒟蒻丝、大葱等等，好正宗嘅寿喜烧。配饭可以㨂白米饭或杂谷米饭，仲系任添㗎，一啖饭加少少寿喜烧汁再连和牛一齐食，满口香甜油香，味道上佳，超级满足，回味无穷～
希望疫情快啲过，我要再嚟食呀！
张贴
