巴辣仔烤魚

营业中

休息中

今日同男朋友谂紧收工食咩𠮶阵时咁啱经过呢度，见到佢咁sharp 嘅logo同埋几多食客响入面，应该几好味~ 反正都谂唔到食咩，一于试吓呢间新餐厅一入到去就见到佢有一款系有普通柠檬同香水柠檬铺满条鱼，钟意酸辣嘅我二话不说就拣咗呢款口味~鱼种方面男友就指定话要龙趸因为肉多~ 条鱼一上枱我哋都觉得好期待，因为好大条果然食落真系啖啖肉，好新鲜好正调味都系我好钟意嘅清香柠檬加少少辣味，烤鱼个汤之后用嚟打边炉索晒啲精华真系冇得顶除咗烤鱼之外，我哋都有叫啲串烧，其中羊肉同鱿鱼须我觉得系必食~ 羊肉完全冇’so’味，肥瘦适中烧得好香鱿鱼须都唔会靭，烧到恰到好处男友唔觉唔觉食咗两大碗白饭好满足嘅一餐仲有好正嘅地方系，舖头自家制嘅菊花杞子茶同埋冰粉都系任饮任食啲茶无糖所以健康又解渴，冰粉都好解辣，搞到我都食咗三碗先停口我哋两个人结果都抱住个肚离开餐厅，期待下次嚟试吓其他口味嘅烤鱼