上海弄堂菜肉餛飩 (電氣道)

营业中

休息中

今日约咗朋友食好耐未食过的上海菜， 拣咗天后的上海弄堂。店内唔算大， 枱櫈有点迫，幸好店员服务殷勤有礼 ，都比到位置同张凳我放包包。墙上怀旧上海照， 勾起我以前上海旅行的回忆 。小笼包四只热辣辣上场，即叫即蒸，皮薄同馅料丰富，多肉汁，好juicy，唔错弄堂菜肉馄饨我心谂铺如其名应该系招牌菜。果然八粒大大只， 馅料足， 菜同肉比例适中。 汤底唔会太肥腻，清清地几啱我口味。担担面我叫咗小辣，面质幼滑， 整体汤底味道可以， 不过我觉得配料方面可以落足啲例如花生和肉碎多一点，就更加好了。上海炒年糕配料有肉丝同椰菜， 好有家乡风味，而年糕质感带淋身，绵软𠮶种， 吸收了浓浓的酱汁 好入味。