Kebab Bistro

营业中

休息中

#土耳其eatcovery #尖沙咀eatcovery💡令人回味的土耳其味道几年前去过土耳其旅行，就比呢个国家深深吸引住，因为有太多靓景，食物又够特别。今次呢个小店主力做外卖🥡，但都有提供少量堂食座位。选择种类多之外，味道都唔错。🍽转转烧羊肉卷🐑墨西哥卷配料好丰富，有生菜、洋葱、蕃茄同劲多羊肉做馅料，羊肉系旋转烤架切落黎包，之后要用锡纸烘热佢，新鲜热辣。啲肉唔算鞋，骚味唔重，够晒饱。🍽转转烧鸡肉配饭及沙律🐔呢个份量有好多，鸡肉铺满晒系饭上面，鸡肉都几嫩滑，唔干身，另外配埋3种酱汁，捞埋一齐食更正。而沙律甜甜酸酸，好开胃。🍽Mango Smoothies比平时饮开嘅芒果味有少少唔同，饮落好香滑，又唔会太甜，岩晒而家咁热天气饮。