影片
更多
2015-06-17
2364 浏览
当日老公0既二家姐生日 ，老公突然想试下私房菜 ，于是就上网SEARCH。喺观塘区有几间私房菜，三姐喺头三位之一 。虽然食评唔多，但系全部都系OK以上0既好评。因此我哋决定BOOK 依间。餐厅可以用TABLEMAP 订位，真系十分方便 。 BOOK左冇耐，店员就即刻打俾我，叫我CONFIRM 菜单。我哋从来都未食过私房菜，唔知道所有嘢都要预先决定好，而唔系去到先叫食物。好彩餐厅已经SET 好左一啲MENU，我哋只系拣餐就可以。今次我哋订左金色餐牌$288/位 六人份量0既餐。另外，我哋仲加左$198 要虾兵蟹将(6只鲍鱼,6只虾,1 只蟹)。餐厅喺官观工业中心，非常近地铁站，好易揾! 一入去，我哋差唔多齐人，就叫佢哋上菜，好快就有得食。因为之前已经拣好菜单，唔洗去到要左谂右谂，好方便!先黎前菜同沙律。前菜系拍青瓜同菇，味道正常。但个沙律好味!我奶奶都话OK。跟住就上<<虾兵蟹将>>，大大盘好有睇头之余 ，啲海鲜仲好正好鲜甜。鲍鱼比想像中大，系醉鲍鱼来的。第一次食，几好味! 跟住先黎个流心蛋伴厚切茄子，个汁好味 ，同茄子好夹! 我唔太好
喺观塘区有几间私房菜，三姐喺头三位之一 。虽然食评唔多，但系全部都系OK以上0既好评。
因此我哋决定BOOK 依间。餐厅可以用TABLEMAP 订位，真系十分方便 。 BOOK左冇耐，店员就即刻打俾我，叫我CONFIRM 菜单。
我哋从来都未食过私房菜，唔知道所有嘢都要预先决定好，而唔系去到先叫食物。好彩餐厅已经SET 好左一啲MENU，我哋只系拣餐就可以。今次我哋订左金色餐牌$288/位 六人份量0既餐。另外，我哋仲加左$198 要虾兵蟹将(6只鲍鱼,6只虾,1 只蟹)。
餐厅喺官观工业中心，非常近地铁站，好易揾!
一入去，我哋差唔多齐人，就叫佢哋上菜，好快就有得食。因为之前已经拣好菜单，唔洗去到要左谂右谂，好方便!先黎前菜同沙律。前菜系拍青瓜同菇，味道正常。但个沙律好味!我奶奶都话OK。
跟住就上<<虾兵蟹将>>，大大盘好有睇头之余 ，啲海鲜仲好正好鲜甜。鲍鱼比想像中大，系醉鲍鱼来的。第一次食，几好味!
跟住先黎个流心蛋伴厚切茄子，个汁好味 ，同茄子好夹! 我唔太好流心蛋，但依个整得唔错!
之后就上焞汤，我拣左螺头汤，一人一盅，而且盅盅都好足料。赞! 接住就系翡翠伴明珠，我觉得依个菜式有啲FUSION，我见人地POST啲相，我以为系啫哩状0既野，食落原来唔系。佢底𠮶层系蛋白，绿色系啲汤汁，仲有一只大过五蚊银0既带子。依个好好味，带子好鲜甜，蛋白同个汁又好夹。依个都系推介之一!
未食完，店员已经上左鸳鸯虾，一绿一橙，绿色系芥本酱，橙色系沙律酱，味道不错!
跟住就系海斑喇，海斑好大条 ，比起出面酒楼𠮶啲大好多，而且肯定过千银! 但佢依个餐收每位$288咋，仲啖啖肉添，真系好抵食!!
主菜系蟹 ，好多人都点香辣𠮶种，店主就推介胡椒依种。依个又系好好味，第一次食依种煮法0既蟹，胡椒又香，少少辣，好惹味!屋企人都好钟意!
铁板杂菇热辣辣咁上，好味! 送饭一流!
鸡方面，我哋拣左茶薰鸡，因为未试过嘛!可能我唔太识食，我个人就觉得一般 ，我老公就话几好㖞。
个餐有碟有机菜，味道正常，但好似有啲唔系好熟透。
蛋白炒饭好得!粒粒分明!又大碟，味道好好!
最后系个甜品，有炸蕃薯芋头丸 同雪糕球!我最LIKE 系炸蕃薯芋头丸我自己食左三粒，依个真系超好味，热辣辣好鬼正!! 至于雪糕球呢，我觉得一般，属正常级别 。整体而言，餐店水准好好!食物同服务都好好! 我哋一家人都食得好开心! 一定会ENCORE!
题外话/补充资料：
佢哋有做PROMOTION,有九折COUPON，埋单唔洗$2000! 好抵食!
记得带CASH，因为只收现金咋~
(以上食记乃用户个人意见 , 并不代表OpenRice之观点。)
张贴
