第一郡 (已結業)

去保险公司倾完保单肚仔都饿了~谂起附近有间之前深水埗食过既人气越南餐厅~天后呢间唔洗等就可以入坐，一坐低当然先点一份虾肉米纸卷，仲记得上次用一片蕉叶包住卖相靓之余，仲带点芳香。点知，卖哂了...只好试其他吧!沙甸鱼软包，面粉味香香软软的~入面有甘笋丝、洋葱、香葱、芹菜，沙甸鱼味道几香又唔腥！蟹膏蕃茄汤檬($50) ，我觉得呢碗称得上杂锦～汤底蕃茄香甜味浓，材料仲好多～有扎肉、猪红，蕃茄仲系原个添！豆卜同平时食既唔同，豆味香比较厚身有质感蟹膏饼唔好以为好似炸虾饼炸蟹饼咁实心既~ 而系似海棉软棉棉，可以吸埋d汤，咬落去鲜茄同埋蟹既鲜味相当突出～顺化牛腱米线落单时店员问要唔要加辣，老公就点小辣，其实都几辣，不过令猪手，薄切既牛腱更入味。　份量都好多！　饮品方面，牛油果沙冰我觉得系必点既~沙冰感觉唔强烈，其实似加左少少冰既奶昔。入口非常smooth，好香好滑~ 饮一杯其实有d唔够喉，但又怕肥..唯有留待下次多个藉口黎食越南嘢当然唔少得滴滴咖啡睇住佢一滴一滴落入杯中，就好似小时候玩沙漏咁，想佢快d滴又想佢滴多d~先拌匀杯底既炼奶，入口带点90%既黑朱古力味道，甘香！