滿樂潮州 (東薈城名店倉)

营业中

休息中

平时食得多日本野，刺身、寿司、拉面等，有时都想转换下口味，今日入到东涌就试下啲潮州菜带比味蕾新刺激。餐厅装修同环境都算舒服，食物又唔差！前菜上左两碟小食，分别系咸菜同莲藕。莲藕有惊喜，有别于一般爽口嘅形象，食落少少似糖冬瓜，令人好深印象。我地先叫左半只潮州咸鸡花生，鸡味十足又嫩滑。我自己想食好耐嘅半煎煮马友鱼终于食到啦！平时食到嘅马友多数都系煎或蒸。今次半煎煮令我有惊喜，一嚟煎过令鱼嘅油份渗出，表皮焦脆，令味道丰富。再用汤煮嘅时候保持鱼嘅鲜味，配埋面豉、白菜仔等配菜，好食到停唔到口。食完鱼再食道和味橙香排骨，同之前食过嘅香橙骨唔太同，佢地橙味可以用扑鼻而来黎形容。骨头唔算大，肉嘅比例多，味道酸甜，好开胃。仲叫埋潮州菜唔少得嘅鲜蚝仔泡粥，食到蚝仔嘅鲜味之余，同时又饱肚嘅感觉。我地更捞埋马友鱼嘅鱼汁嚟个crossover，系成功嘅，又提鲜了。最后当然要叫返个甜品收尾。我个人本身爱食红枣糕，而呢个莲子枣皇糕食落有啲似马蹄糕，里面一粒粒嘅莲子有咬口，红枣味道突出，值得一试。