Burgeroom (Fashion Walk)

营业中

休息中

想食呢间burgeroom 好耐,今日终于有机会嚟啦。位于食街内，餐厅有室内及室外两边，属于自助式设计，坐低拣好嘢食就自己去counter叫，有自助斟水及拎酱料的地方。餐牌上基本上九成食物都系burger,分牛肉、鸡、海鲜、素食等类别，仲可以另外加配料，另外有少量小食和沙律可选，我同姊妹share左两个burger，一个系是厨师精选嘅特量芝士牛肉汉堡（$105），一个系香脆鳕鱼柳蛋汉堡（$95），其中一个加$30变套餐可以有饮品同一客粗薯条。饮品系自己去雪柜拣，都有唔少选择，我哋拣咗snapple raspberry tea,大大支share饮！我们仲加咗个蜜味辣鸡翼（五只） （ $50 ），蜜糖味唔算好浓，又唔算好辣，但系都几惹味。第一个包过左一阵就黎，好多嘅芝士，有生菜蕃茄夹住，旧蛋都好厚，鳕鱼柳外脆内嫩，好味！薯条份量唔算好多，但系够脆同热，相信系即炸。第二个包就等得比较耐，标准配菜都系𠮶啲，特量芝士多到流哂出黎，当然牛肉先系重点，好厚身又juicy！好回味呀！