惠 (已結業)

其实我都食过几间嘅omeakase但都系觉得不过不失，冇一间系令我好想再去食嘅冲动。但呢间系我一食完已经好想再book位食!!! 今次就重点推介我最想再食嘅嘢~首先，鱼类有二款。𩽾𩾌鱼肝配鱼子酱配鳕鱼片，𩽾𩾌鱼肝第一次听同食口感系淋淋地而鳕鱼片就系零食咁，系脆身再配埋鲜子酱真系好鬼正！！而第二个真系好想再食就系银鳕鱼配黑松露酱，银鳕鱼入口即溶仲要油脂味系极香再配埋我的至爱黑松露酱真系赢晒!!然后，就系生蚝同海胆！生蚝好新鲜配上酸汁同紫菜真系冇得顶！而且食落一啲都唔腥系有甜味！海胆系白海胆，好厚身同味道好creamy ，师傅话呢种好岩用黎整寿司！