影片
更多
2022-06-18
1252 浏览
听朋友讲元朗有位出色经验丰富嘅师傅，最近去咗北角既一间新开既Omakase. 搭地铁步行约五分钟就到了！小舖只有十个座位，全部食材由拣选到处理均由冯师傅一手包办！日日飞机直送新鲜食材，确保不时不食！由于小店关系，师傅相对可以有较多时间同我地互动，师傅亦非常友善，每度菜都讲得好详细！当晚共有21道菜，前菜：1. 四款渍物全是自家腌制，有紫姜、大蒜、牛蒡和萝卜2. 岩手县真蚝配啫喱汁，爽甜爽口肥美3. 师傅秘制既北海道𩽾𩾌鱼肝，师傅话要细细啖咁去食，好似食雪糕咁，味道好鲜甜幼滑，呢种味道应该系第一次食到！4. 右口鱼刺身，鱼背配酸汁一齐食，肉质爽甜，群边位爽得黎带淡淡既鱼油香味！5. 火炙河豚白子配寿司饭真系好难忘，师傅话要将白子轻轻拉开配寿司饭一齐食，白子经过火炙后好幼滑，口感好似食紧意大利饭咁，但果阵白子既鲜味系难以形容！6. 麻叶昆布高汤，主要帮我地清下肠胃，麻叶既作用好似把扫帚咁，将我地肠胃既垃圾扫清，作用同纳豆差唔多，纳豆未必人人接受到，但呢个唔同，好清甜，连汤都可以饮埋。7. 樱煮慢煮八爪鱼，煮之前一小时要帮八爪鱼按摩，要一啖放入口慢慢咀嚼，八爪鱼煮得非常软熟，味道带甜，又系连
当晚共有21道菜，前菜：
1. 四款渍物全是自家腌制，有紫姜、大蒜、牛蒡和萝卜
2. 岩手县真蚝配啫喱汁，爽甜爽口肥美
3. 师傅秘制既北海道𩽾𩾌鱼肝，师傅话要细细啖咁去食，好似食雪糕咁，味道好鲜甜幼滑，呢种味道应该系第一次食到！
4. 右口鱼刺身，鱼背配酸汁一齐食，肉质爽甜，群边位爽得黎带淡淡既鱼油香味！
5. 火炙河豚白子配寿司饭真系好难忘，师傅话要将白子轻轻拉开配寿司饭一齐食，白子经过火炙后好幼滑，口感好似食紧意大利饭咁，但果阵白子既鲜味系难以形容！
6. 麻叶昆布高汤，主要帮我地清下肠胃，麻叶既作用好似把扫帚咁，将我地肠胃既垃圾扫清，作用同纳豆差唔多，纳豆未必人人接受到，但呢个唔同，好清甜，连汤都可以饮埋。
7. 樱煮慢煮八爪鱼，煮之前一小时要帮八爪鱼按摩，要一啖放入口慢慢咀嚼，八爪鱼煮得非常软熟，味道带甜，又系连汤饮埋😋！
8. 鲍鱼配鲍鱼肝酱寿司饭，鲍鱼烹调后冷藏十五日，秘制鲍鱼肝酱配寿司饭，先食鲍鱼，然后将鲍鱼肝酱跟饭混好一齐食，最后食埋块新鲜莲子叶清一清口腔，又可以继续其他美食！
9. 鱼肉大蚬昆布虾头汤，鱼肉把大蚬盖住来煮可以将蚬肉鲜味锁住，保持蚬肉既嫩滑，啖啖肉，配埋个用虾头昆布去肴成既汤底，非常清甜，汤面有几小块三叶，味道好清新！
寿司环节，一共有6六款，由淡口鱼开始，包括：
10.池鱼寿司
11.金目鲷寿司
12.真鲷寿司
13.活赤贝寿司，爽甜度满分💯！
14.北海道活带子寿司，师傅用特别刀法去令带子吃起来鲜甜但又唔会有漏既感觉。
15. 最后一款寿司当然系大拖罗，入口即溶是常识吧！🥰
16. 再来系熟食了（心谂点解咁多野食😱）樱花虾赤贝茶碗蒸，一睇就知好嫩滑！
17. 第一次食到北海道生粟米“超甜爆汁“，啲汁多到好似食紧雪梨咁。🤭
18. 北海道紫海胆，有一定水准，海胆同饭既比例系9:1😏
19.跟住系传统做法既玉子烧，师傅话系喜庆日子先有得食架，第一次食，蛋香味又甜甜地，好似食紧蛋糕咁👍
20. 最后一道熟食系最新菜品，龙虾天妇罗配飞鱼籽酱，香口得黎食到龙虾肉非常鲜甜弹牙！
21. 日本蜜瓜/芝士豆腐蛋糕/橙果冻，蛋糕质感似布甸，好幼滑，芝士味唔会太浓，洽到好处。香橙果冻好清新，为呢餐划上完美句号！
师傅话下次再来会有新野比我地食，但叫我地要预早订位！好期待😚
张贴
