味川小廚 (已結業)

之前去过两次晚饭都无位，今次早些去刚好有人离枱，开心到死，点知........坐低即刻点菜，见数枱客都叫了鸡煲，但卖相一般，既然叫得小厨，当然要试大厨既手势；可惜睇云成张餐牌，都系广东小菜及火锅配料，还好前面有几味川式小食，于是叫了〝口水鸡〞、〝夫妻脍片〞，〝拍黄瓜〞、另加一碗〝酸辣米线〞、一份〝油浸笋壳鱼〞一Jar 菊花茶。三款川式小食先上枱，每样试一口，有无搞错，全部一样味；夫妻脍片只有牛肉，无牛肚，拍黄瓜无蒜蓉，口水鸡无芝麻及麻酱，最离谱是三样小食都盖上同一味汁，有姜、葱、酸味豉油，全与川味无关，既然有心做川菜，唔该去学吓啦。呢间店生意不错，都唔明点解可以生存，又或者火锅才是主角吧！油浸笋壳鱼做得唔错，算是有点安慰。总结最好的是那瓶菊花茶，好清香又不太甜。