雪ノ下 (已結業)

早前成日见到facebook有人推介呢间既pancake，而我自己真系好钟意食pancake，睇相见到块pancake咁厚，就捉左男朋友入去陪我食。去到咁岩有最后一张两人枱唔洗等位，但坐底前就要买左野食先。本身食完饭谂住叫一个share唔洗咁饱，我只想食原味(Mandarin Honey)，不过佢有最低消费，要叫多样先得，所以我地记叫多左个朱古力(Dark Chocolate)。坐底大概等左15分钟就有得食，先黎既系原味，原味有跟一小壶蜂蜜。再黎既就系朱古力味。原味食落都尚算松软，有蛋味，但真系好普通，似蛋糕多过pancake。而朱古力味食落就比原味好食少少，因为系黑朱古力，食落都几浓朱古力味，而pancake上面既士多啤梨同个pancake都几夹，只可惜pancake既口感都系麻麻地，唔系我想像中既咁松软同香。总结系，我应该唔会再试，因为真系几普通下，而男朋友就都话唔会再去。