影片
更多
2010-08-19
102 浏览
因为结婚周年纪念, 于是㖊晚一行三人去食buffet庆祝，原本首选TST重开嘅凯悦, 可惜已经full booked连waiting都冇. 记起以前食过帝苑印象好好, 故此旧地重游, 可惜…..每样item略略讲下:海鲜冻盘冇生蚝, 连青口都冇! 只有翡翠螺, 虾, 龙虾仔(劲咸), 蟹脚(偏细条), 蟹件(斩得碎湿湿)冷盘只得烟三文鱼一种, 冇任何cold cut, 有cheese刺身寿司刺身系大路选择, 试咗三文鱼(冇味), 吞拿鱼(中间个心系冰冻), 剑鱼腩食完一转已经唔想再攞第二round 寿司系即席火炙(饭就系一早捏好), 食咗三文鱼&虾, 呢个ok热荤-中式: 个螺头炖汤好正, 一盅盅上; 有个烩牛"展"都好好味. 其他都系啲蒸鱼, 炒菜, 炒面之类, 食咗少少, 属正常水准. 另有烧味档, 冇试.-印度: 有即制薄饼. 但咖喱只有羊肉同杂菜两款. 羊唔食/杂菜卖相唔吸引, 所以试唔到. 个薄饼我用咗嚟配牛"展"食…haha-日式: 有炉端烧, 唔好期望系咩特别材料. 食过牛舌, 腍但唔叫得上好食-东南亚: 海南鸡饭爹哋话啲饭偏硬, 鸡好味; 粉面档有喇沙汤/香草鸡汤可
每样item略略讲下:
海鲜冻盘
冇生蚝, 连青口都冇!
只有翡翠螺, 虾, 龙虾仔(劲咸), 蟹脚(偏细条), 蟹件(斩得碎湿湿)
冷盘
只得烟三文鱼一种, 冇任何cold cut, 有cheese
刺身寿司
刺身系大路选择, 试咗三文鱼(冇味), 吞拿鱼(中间个心系冰冻), 剑鱼腩
食完一转已经唔想再攞第二round
寿司系即席火炙(饭就系一早捏好), 食咗三文鱼&虾, 呢个ok
热荤
-中式: 个螺头炖汤好正, 一盅盅上; 有个烩牛"展"都好好味. 其他都系啲蒸鱼, 炒菜, 炒面之类, 食咗少少, 属正常水准. 另有烧味档, 冇试.
-印度: 有即制薄饼. 但咖喱只有羊肉同杂菜两款. 羊唔食/杂菜卖相唔吸引, 所以试唔到. 个薄饼我用咗嚟配牛"展"食…haha
-日式: 有炉端烧, 唔好期望系咩特别材料. 食过牛舌, 腍但唔叫得上好食
-东南亚: 海南鸡饭爹哋话啲饭偏硬, 鸡好味; 粉面档有喇沙汤/香草鸡汤可选, 个鸡汤我觉得似咖喱沟稀咗咁. 配料有各式海鲜, 惊喜系有蛏子, 不过有沙
主菜
点解叫主菜?? 因为只限一人一客啰.
入座时waiter会俾一人一张咭仔, 凭咭换US 1855牛肉+烤大虾一客. (我真系见到有人冇拎咭出去就攞唔到)
恕我孤陋寡闻, 唔知咩系US 1855牛肉, 只系知道应该系矜贵啩. 每客两块…仔, 两块并埋面积约莫正常size八达通, 厚度大约系1cm.
后来我觉得份量少都冇所谓, 反正唔好食. 可能系我唔识食啦, 我觉得冇牛肉味.
相比之下, 只大虾就好食得多. 唯一要弹师傅洒盐洒得唔够平均, 我食到一啖系极咸
甜品
cake类选择唔多, 冇朱古力口味. 食过蓝莓cheesecake, ok好食
雪糕系哈记, 有五款, 包括orange choc&青柠sorbet (食饱用黎消滞一流)
Pancake就一般, 佢个粉浆好似有啲唔同, 煎出嚟个样油油地
原价$443+10%, 用咗开饭网张75折coupon每人$376.55
但系以正价四百几蚊一位兼帝苑个名, 我会expect系水准之上.
宜家总括嚟讲, 好失望, 应该冇下次.
张贴