影片
更多
2022-01-08
211 浏览
屋企人话想食海鲜，临时决定去西贡食，我地上个星期先去西贡洪记食完（就系呢间）以为会拣第二间食，结果屋企人先我一步去到西贡就直接话同上次同上星期同一间😅😅其实上星期我已经写过一篇洪记食评，觉得虽然有几道海鲜系好味，但整体质素都系一般，都讲过唔会再特登入黎食，不过我其他屋企人好似冇乜所谓咁……结果，今次果然中伏，啲海鲜衰过上次好多！不过待客态度冇得讲，值得一赞👍🏻我地上次11人叫左12人餐，今次一共10个人，分左两台每台一个$988既4人餐，上次觉得汤最好饮所以又每台加左100蚊可以多一个海鲜汤🥣值得一讲既系本身每个餐入面系得4只扇贝，经理肯每台比多一只扇贝我地，每人都有一只食👍🏻虽然套餐质素不抱太多期望，但真系好失望。讲左个额外加既海鲜汤先，真系好好饮🤤🤤我本身都非常钟意饮汤，呢个海鲜汤非常鲜甜，煲到完全系奶白色，入面有蚬、虾🦐、豆腐和小白菜🥬，平时楼下餐厅叫一份细细碗既冬阴功汤都38蚊，入面得一只虾，先够𠮶一个人饮，呢个海鲜汤100蚊有成盆😍😍够6-7碗，抵饮！但系呢……饮到沙🥵蚬处理得唔够干净，汤入面饮到沙真系好扫兴😐，但真系好抵同够鲜甜，系我钟意既味，沙未算好多，选择性忽视🤥🤥，留
屋企人话想食海鲜，临时决定去西贡食，我地上个星期先去西贡洪记食完（就系呢间）以为会拣第二间食，结果屋企人先我一步去到西贡就直接话同上次同上星期同一间😅😅其实上星期我已经写过一篇洪记食评，觉得虽然有几道海鲜系好味，但整体质素都系一般，都讲过唔会再特登入黎食，不过我其他屋企人好似冇乜所谓咁……结果，今次果然中伏，啲海鲜衰过上次好多！不过待客态度冇得讲，值得一赞👍🏻
我地上次11人叫左12人餐，今次一共10个人，分左两台每台一个$988既4人餐，上次觉得汤最好饮所以又每台加左100蚊可以多一个海鲜汤🥣值得一讲既系本身每个餐入面系得4只扇贝，经理肯每台比多一只扇贝我地，每人都有一只食👍🏻虽然套餐质素不抱太多期望，但真系好失望。
讲左个额外加既海鲜汤先，真系好好饮🤤🤤我本身都非常钟意饮汤，呢个海鲜汤非常鲜甜，煲到完全系奶白色，入面有蚬、虾🦐、豆腐和小白菜🥬，平时楼下餐厅叫一份细细碗既冬阴功汤都38蚊，入面得一只虾，先够𠮶一个人饮，呢个海鲜汤100蚊有成盆😍😍够6-7碗，抵饮！但系呢……饮到沙🥵蚬处理得唔够干净，汤入面饮到沙真系好扫兴😐，但真系好抵同够鲜甜，系我钟意既味，沙未算好多，选择性忽视🤥🤥，留到底既汤唔好饮都可以避免小小饮到沙既情况，不过一定系会有返几粒嘎啦😵💫😵💫如果有机会再黎🥶一定会再饮汤，我真系好钟意汤汤水水😂
但唔会为左呢碗汤特登去食洪记，因为其他海鲜今次真系令我好失望😡
第一个伏位，椒盐鲜鱿。上次食都唔系咁差，好香好脆；今次唔知厨房师傅搞咩，难食到我咬左一啖就讲左句：哇，咁难食既🙄楼面摆上台我都见到出面炸得唔够色，好谈既黄色，心知应该唔够火候，但冇谂过咁难食🤢🤢成盘炸鲜鱿好似喺系低温油锅入面浸熟而非炸熟🥴🥴完全冇高温炸完之后面浆水份流失酥脆既感觉，反而系软糯既口感，唔讲以为自己食紧浸过汤既面团；鱿鱼又切得好薄，一啲口感都冇，成盘鱿鱼一只脚一条须都见唔到😑😑😑全部都系薄片薄片同薄片。真系难食到顶唔顺，我话要换一碟，食完觉得好软，炸得唔够火候，出面面衣系软既，楼面听完之后面露难色，不过都系拎走碟鱿鱼返去厨房，一阵又拎返上台。好小小但都系好难食😬系干身左但因为鱿鱼本身切得太薄，炸完变得好硬😓两个字讲晒，难食！我试左下我地同行既第二台佢地既鲜鱿点样，炸得好过我地啲啲，食到底𠮶几块仲要冇晒味😑都系一样咁薄，一条须都见唔到！
灼海虾，呢个就ok喇，大只得黎肉质鲜甜紧实，食得出系新鲜虾，配左四碟辣椒豉油😂😂有啲多，一叠其实就够，蘸小小酱汁会feel到小小辣味冲击你既口腔，之后就系虾既甜味，超正😆
鲍鱼。四人餐有八只，简单既豉油调味，味道麻麻地😅第二个伏位系鲍鱼冇帮手去内脏，肉又痴得好实，好难食落口，一唔小心个叉就叉穿啲内脏，爆晒浆咁😖
油菜。今次个油菜系生菜，个份量吓死人，系少到吓死人😑可能得一颗半生菜系入面。
龙虾伊面不过不失。
蒸扇贝。送多左只比我地变成五只，扇贝有啲细粒，调味正常冇乜特别。
总体黎讲，今次好失望。炸鲜鱿真系大伏，汤有沙，菜份量太少，鲍鱼如果可以帮手清埋内脏就更好。
海鲜汤
3 浏览
0 赞好
0 留言
张贴
