影片
更多
2023-02-28
1859 浏览
好几年冇食自助晚餐，咁啱呢排比较得闲，就同屋企人食餐劲既😛文华最出名嘅就系芝士蛋糕，听讲去到最后有机会比人攞晒 (𠮶日得50% full，完全冇refill嘅问题)，但都决定试咗甜品先😎基于卫生同成本效益(?)嘅考虑，好多自助餐而家都唔会提供原个蛋糕，而快船廊就有好几款，卖相唔错、吸引力好高🤩芝士蛋糕嘅质感系比较厚实𠮶种，唔算超级软滑，但胜在芝士味香浓唔低B，好彩厨师切得够细件，如果唔系都好快济🤣另外个乌龙芝麻慕丝蛋糕入口即融，芝麻味好突出，之后都忍唔住食多件🙈杯子tiramisu出乎意料地好味，咖啡味比起平时食过嘅浓郁，3层融为一体，连我呢个饮无糖冻柠茶嘅都唔会觉得太甜，系翻兜之选😎香橙朱古力慕丝就略为逊色，口感冇tiramisu咁软滑，而且甜到我哋都食唔落🥲本来见到有吞拿鱼真系好开心，点知超级伏，咬落去好似水咁，完全冇鱼生嘅质感或者味道😭三文鱼同油甘鱼系比较好嘅选择，希望只系当日来货嘅问题🙏🏻要回本当然唔少得龙虾同长脚蟹，鲍鱼亦都系较为少见嘅冻海鲜，呢3样嘢正常水平，唔会好浓海鲜味或者咬落好弹牙，以呢个价位嚟讲可以接受👌🏻不过青口同开咗壳嘅蟹钳真系超级超级干，海螺亦都要咬好耐先吞到
39 浏览
1 赞好
0 留言
28 浏览
0 赞好
0 留言
43 浏览
0 赞好
0 留言
27 浏览
0 赞好
0 留言
要回本当然唔少得龙虾同长脚蟹，鲍鱼亦都系较为少见嘅冻海鲜，呢3样嘢正常水平，唔会好浓海鲜味或者咬落好弹牙，以呢个价位嚟讲可以接受👌🏻不过青口同开咗壳嘅蟹钳真系超级超级干，海螺亦都要咬好耐先吞到，水准有待改善🥺
40 浏览
0 赞好
0 留言
第三碟攞咗烧牛肉、羊架同海南鸡，师傅都好好、问我钟意生啲定熟啲，因为我想食生啲所以佢就切走表面𠮶块、再切入面嘅肉比我🤩肉质软淋、一切就断，唔会”照”到干晒硬晒，系我食过嘅烧牛肉入面头几位🥰羊架嘅水准更高！羊味浓得嚟带少少骚，系我prefer嘅”配搭”，肉质比起牛肉更加嫩滑😋海南鸡虽然系文华代表作，但食落又唔觉得好惊艳，鸡髀位都冇话好嫩好juicy，不过隔离蒸笼嘅油饭都几好味🤣
快船廊主打中菜，有一半热荤都系酒楼食物，包括龙虾伊面、蒸鱼、红烧海螺、蒜蓉粉丝扇贝、瑶柱蛋白炒饭、炒鲜鱿等🍲除咗炒饭同鱿鱼，其他中菜都略为逊色，或者可以话系保暖问题，因为酒店用电炉keep warm，水份不断蒸发、食物愈煮愈老，尤其是蒸鱼对于火喉好敏感，所以干到无法形容，龙虾、扇贝、焗蚝都系😔相对炒饭就可以保持粒粒分明又唔会太干，而且有好多带子仔，足料得嚟又满足到我呢个碳水狂人😆
53 浏览
1 赞好
0 留言
雪糕有6款口味，分别系黑加伦子雪芭、红莓雪芭、柠檬酒雪芭、绿茶雪糕、曲奇雪糕、香橙雪糕，头两个口味就见人见智啦～本身对莓制品都有啲恐惧🤣不过柠檬酒雪芭超！级！正！好清爽好解腻，绝对系完美嘅句号🥰值得一提嘅系餐厅会预备6个勺去挖唔同雪糕，咁就唔会捞埋晒啲味道，卖相亦都靓仔啲👍🏻
临尾再攞咗3件蛋糕仔，水准唔错，保持到湿润感，因为第一次食歌剧院蛋糕仲几有惊喜添🤩
张贴
