Nun Desserts Cafe (已結業)

喺尖沙咀食完晚饭，多数都会去厚福街食糖水或者甜品，一行8人，一齐试下呢间韩式甜品店。·🍓🍦迷人草莓韩式牛奶软雪糕（$52）大部份同伴都同我一样拣咗韩式牛奶软雪糕，只系味道唔同，但大家都异口同声讲咗句「好伏！」。完全冇牛奶味，士多啤梨又劲酸，有d位仲好黑好霉咁，见到都唔想食，净系得一堆冰。而服务方面都好需要检讨，俾人好hea嘅感觉。另外我7位朋友差唔多食完，我嘅雪糕都仲未嚟，于是同职员讲想cancel我个order，呢头个职员话帮我处理下，冇几耐就出咗我个雪糕，好可能系漏咗单即时整，焗我要返个order。甜品质素差、服务欠佳，不值一试，以后都唔会再食。👎🏻