影片
更多
2022-04-28
41 浏览
难得开返晚市堂食，就谂住约班fd食餐好打个边炉。一入座就同我地讲需要$28/位既酱油费，明明全部调味料都同其他任食打边炉餐厅提供既一样，都系豉油、蒜蓉、葱呢啲，你要唔要呢啲调味料都会计埋数。跟住想order叫野食，叫咗15分钟都无人嚟，全场好似得2-3个人做野，有啲明明对到眼见到我地举手，又走咗去，等咗3个字终于落到单。食物方面，我地叫咗个4人套餐，有炸物小食、刺身拼盘、海鲜拼盘、猪肉同牛肉，仲可以出面夹唔同既菜、菇、其他丸类同薯粉。汤底就叫咗猪骨汤同麻辣汤，麻辣汤味道唔差，但系个养颜猪骨汤就无乜味。刺身拼盘都唔错，唔会有唔新鲜、腥臭既味，但个三文鱼几嚿都有筋，几影响口感。其他丸类、肉类都无咩特别，普普通通，但个小食油炸鬼墨鱼滑几有惊喜，都几好食。食到咁上下都口渴，普通茶水需要收返$7/位，我地就叫咗柚子蜂蜜梳打，但味道只系沟咗啲好奇怪既啫喱既梳打水，宁愿饮返普通既梳打水好过，佢有啲应该系蒟蒻定寒天之类既野可以咬吓食吓，但呢pat唔知咩既啫喱口感好奇怪。全餐饭每次举手叫人都要等5-10分钟先有人肯过嚟帮手加吓汤、落order，最快手就系问last order, 同要人找数，最后每人差唔
一入座就同我地讲需要$28/位既酱油费，明明全部调味料都同其他任食打边炉餐厅提供既一样，都系豉油、蒜蓉、葱呢啲，你要唔要呢啲调味料都会计埋数。
跟住想order叫野食，叫咗15分钟都无人嚟，全场好似得2-3个人做野，有啲明明对到眼见到我地举手，又走咗去，等咗3个字终于落到单。
食物方面，我地叫咗个4人套餐，有炸物小食、刺身拼盘、海鲜拼盘、猪肉同牛肉，仲可以出面夹唔同既菜、菇、其他丸类同薯粉。汤底就叫咗猪骨汤同麻辣汤，麻辣汤味道唔差，但系个养颜猪骨汤就无乜味。
刺身拼盘都唔错，唔会有唔新鲜、腥臭既味，但个三文鱼几嚿都有筋，几影响口感。
其他丸类、肉类都无咩特别，普普通通，但个小食油炸鬼墨鱼滑几有惊喜，都几好食。
食到咁上下都口渴，普通茶水需要收返$7/位，我地就叫咗柚子蜂蜜梳打，但味道只系沟咗啲好奇怪既啫喱既梳打水，宁愿饮返普通既梳打水好过，佢有啲应该系蒟蒻定寒天之类既野可以咬吓食吓，但呢pat唔知咩既啫喱口感好奇怪。
全餐饭每次举手叫人都要等5-10分钟先有人肯过嚟帮手加吓汤、落order，最快手就系问last order, 同要人找数，最后每人差唔多食咗$500。唔系话觉得呢餐食得贵定唔贵，而系呢个价位，呢个咁普通既食物质素，呢个咁冷淡既服务态度，真系出面大把选择。
张贴