貴麻橋咖喱屋

营业中

休息中

有返晚市堂食之后就多返好多机会试下以前想试既餐厅，之前系荔枝角上堂之前都有经过过依间「贵麻桥咖哩屋」，门口都好似有好多推介咁，于是今日心血来潮就走左去试下佢既咖哩。落单果时想知道「生咖哩」同「咖哩」既分别，但店员唔知道个分别...... 只系话生咖哩同羊腩比较出名，最后点左「生咖哩牛肉」。（之后睇返食评有人介绍「生咖哩」系即炒既咖哩同埋无薯仔）过左10分钟到就有野食，饭既份量系多过平时碟头饭，但咖哩同牛肉比较细份。卖相感觉都唔错咁，但食左第一啖咖哩之后就比较失望🙈因为咖哩味都几淡，咸味都唔多觉有，辣味系更加无......配料牛肉方面，肉质都算滑，但味道又系唔够，食落系好似无餣过咁。所以成餐个感觉都几失望，无谂过咖哩屋既主打既咖哩都做得咁差，如果老招牌要继续做落去既话，真系要谂谂点将主打做返好。