王家沙．花樣年華 (K11 Musea)

营业中

休息中

座位宽敞，同隔离枱有一定嘅距离，有唔少枱都系一家大细少黎食。厨房系半开放式，成日都有剁肉嘅dok dok声传出嚟，其实好扰人，呢点好需要改善吓。*侍应落单好混乱，落两次单错两次，上菜都错左两次，连最后张单都系有啲问题，不过好彩侍应好努力咁解决问题。*苏式鲜肉小笼包 $625件小笼包，皱折手工一般般，外皮够薄，但肉馅松散，唔太新鲜，唔推荐。鲜肉生煎包 $55史上最难食嘅生煎包！大小不一嘅包型以及油腍腍嘅外表已经出卖咗佢，点知肉馅更加可怕，猪肉非常非常腥，唔新鲜，无可奈何要退咗生煎包。鲜菜肉馄饨 $68馄饨有5粒，浸住紫菜上汤，外皮薄而且完整，菜肉馅扎实，肉多菜少，肉馅比生煎包好好多，但都系差啲。奶黄小麻球 $42哗~意外嘅惊喜！外皮包住白芝麻，炸到脆卜卜，入面系软糯嘅汤圆包住流沙奶黄馅，烟韧糯米+浓郁嘅奶黄，好正、好邪恶！上海担担面 $88汤底花生味香浓而唔腻，带淡淡嘅芝麻香，唔会太辣。面头有肉臊、榨菜粒、花生碎，但面条质素奇差，一咬就会化开，质地好散好腍好粉好奇怪。家乡炒年糕 $108上海炒年糕系食佢嘅酱油香咸香，以椰菜丝、肉丝、冬菇丝配搭烟韧年糕，但始终炒年糕系油啲。