La Postre (已結業)

喺永乐街间分店食过La Postre 嘅西班牙海鲜饭同麻糬窝夫一直念念不忘，放工后特登再去La Postre食饭，不过拣咗嚟九如坊的分店。铺头嘅装修比起永乐街𠮶间更具心思，而且比较少人， 感觉冇咁逼夹。舒适的环境令到我地心情大好，少不了西班牙海鲜饭 ，又嗌咗个西班牙蛋饼 , 烧牛仔骨，三杯Sangria。西班牙海鲜饭太过湿，影响啲饭嘅口感，上次去永乐街食明显地系黏啲，而且啲番茄味系出啲。海鲜啲肉质有啲老，煮得太耐，真系唔得。真系名副其实蛋饼，食极都系好嚡嘅蛋，入面啲薯仔、火腿同洋葱超少，完全唔掂。最火滚系个牛仔骨，好多筋，唔系好食到肉，而且个酱汁系好似整肉酱意粉𠮶啲香草蕃茄酱，同啲牛仔骨劲唔夹，食𠮶阵时我突然好怀念中式牛柳。价钱仲要成＄288，去锯牛扒好过啦。成晚系得甜品可接受，窝夫味道好香，表皮香脆，同雪糕一齐食几唔错。如果钟意食辣，可以试下墨西哥香辣麻薯窝夫，软Q麻糬配上香辣味道，口感同味道可以话令人眼前一亮，虽然我地今次冇嗌到，但都想推介一下。（注：我系去永乐街分店食嘅，唔担保呢间水准一样。）