首首.韓式小館 (已結業)

之前行街经过利东街，见到首首.韩式小馆嘅装修好有特式，好似酒馆咁有情调。上网一查，发现都几好评，就一直想试试。点知食完晚餐之后就好失望。其实我哋今次都好保守，都系试餐牌上有’首’呢个图案嘅菜式，谂住招牌菜就一定稳阵，点知好失望。😔全餐最满意嘅系前菜，有泡菜，黑豆同芽菜。泡菜酸辣适中，黑豆香甜，芽菜就小咸，都几开胃。主菜我哋叫咗韩国山野菜大酱拌饭。上枱时，配料，大酱同饭系分开上嘅，等我哋就住自己嘅口味拌饭。配料有四种食材，包括芝麻叶，细葱，红萝卜同秀珍菇。我哋先试咗大酱嘅味，一试上口我同男朋友就觉得个味唔系好啱我哋，得咸同酸嘅味，比较偏酸，完全无豆香。不过都叫咗，点都要拌入个饭试下。我哋将三分二份大酱同所有配料拌入个饭，个拌饭一入口就好大浸草青味，连埋个偏酸嘅大酱，真系怪怪哋，令我哋完全无意欲继续食。我哋好努力咁食，最后都系食咗一半乍。另一个𩠌-烤手工制牛肉饼伴年糕配蜜糖酱油汁-又系招牌菜，睇食评都有唔少人推介，点知又系令人失望。中肯啲讲，其实个牛肉饼系有牛味，但真系好干！又干又嚡，真系令人脚步。我哋最系又系食唔晒个牛肉饼。反而个配菜-煎年糕正正常常，我哋有食晒。整体嚟讲，今次都食得几失