Fauchon Paris Le Café (已結業)

是日星期五，放工之后同屋企人黎新城市食饭，由于第三期正在装修，所以都系黎第一期揾野食，上openrice见到晚餐主菜有买一送一优惠，就一于黎试下啦。由于预早用app攞位，所以黎到都唔洗等太耐就可以入座，餐厅灯光柔和，环境舒适，感觉好舒服。除左a la carte之外，仲可以拣set dinner，百零蚊有汤，沙律，主菜同饮品，同a la carte半价优惠差唔多，所以最后都系拣要餐。餐汤无得拣，只有一款，卖相似系忌廉汤，入口似系面粉加水，味道非常淡，即使加入胡椒粉后都无法入口，绝对有进步既空间。沙律系鸡胸沙律，沙律菜算新鲜，不过加入沙律酱，感觉有少少格格不入，建议改用沙律汁会更加好，此外，鸡胸未完全解冻，入口非常冰冷，令人唔太舒服。第一个主菜系蟹肉长通粉配意大利青瓜及香葱忌廉汁，打碎左既蟹肉加入忌廉同香葱整成酱汁后再加入意粉，卖相好斋，亦都完全食唔出有蟹肉味，忌廉味都过重。另一个主菜系烤春鸡配薯蓉，青豆，烟肉及红酒汁，鸡扒质素比一般快餐店仲要低，酱汁亦都毫无水准，唯一觉得OK既系个薯蓉，滑得黎又唔会太重牛油味。餐饮方面叫左咖啡，入口有微微既炭烧味，好欣赏店员将奶整返热先俾客人，咁倒入咖