Chip In Fish & Chips (已結業)

今日同朋友入西贡行下，出发前上网睇左啲餐厅推介，见到呢间Fish & Chips，即时谂住入嚟试下，点知食物令人十分失望！叫左炸鱼薯条、鱿鱼圈薯条，炸oreo，整体嚟讲，啲炸粉真系好麻麻，无乜味之余又好厚。而薯条都唔知点解好粉，唔似一般食开嘅薯条，食感好麻麻。至于炸oreo，都系好厚粉，同有啲油，oreo本身系好食，炸完有啲溶溶地，几得意，但唔算好好食。炸鱼除左厚炸粉之外，啲鱼还算可以，无乜雪藏味，但唔算好juicy，不过相比啲外国餐厅，动辄都要百几蚊，呢度唔算好贵，相信只要改善吓啲炸粉就会好好多！