牛摩+ (新都城中心二期) (已結業)

话说牛摩系将军澳都开左一段时间，耐唔耐我都会去帮衬一次半次，但每次去到加肉既时候，我都会谂起上一次帮衬既时候讲过唔会再帮衬，最大原因系啲肉真系好差。其实食得任食火锅就唔应该对啲牛肉有太大期望。今次叫左一个最近做紧优惠既牛肩胛set， 埋单计二百几连加一。起初第一碟肉都正正常常，合格有余。但当第二、三次加肉既时候，啲牛肉系肉眼见到地干，直头好似啲风干左既西班牙火腿既质地，啲肉既颜色亦都十分唔新鲜，仲有少少发黑。入口完全冇牛肉味，十分"鞋"口，同样既价钱我宁愿帮衬下隔离另一间边炉，就算叫左厨房换，出嚟份肉都依然好差。对于钟意食牛既人嚟讲，依间野真系不可一，不可再。闹完都讲下几样好既野，舖头冻柜到有寿司可以拎嚟顶下肚，今日食到既三文鱼寿司唔错，油脂分布好好，鱼生亦都唔会太簿，系旧饭略略有啲干同硬比较差少少。除此之前，服务员都好nice,好有礼貌，系可能今晚比较忙啲，经常有留单既问题，叫左几次牛但都冇上到。