莆田 (已結業)

态度奇差，食物质素失望，崩口杯。。。呢间真的是莆田吗? 这间真的是米之莲一星吗?虽然新开张不久，今次已经系第二次食。第一次食时，已经觉得麻麻，不过谂住佢系新开，可能员工未熟悉哩。呢日再去食，不但冇改善，仲差得好紧要添。钻石山和铜锣湾分店都经常去，但系呢间完全唔似样，一d都唔似，好似系冒牌货咁！先睇只杯，咁快就崩咗2处，咁都俾客用？就算茶记而家都唔会用崩杯啦！煎煮小黄鱼(斩件) $138，上枱时卖相超惊吓，完全唔觉得佢系小黄鱼，乱咁炒，份量少，仲要卖$138！去酒楼蒸条新鲜班仔都得啦！如果系煮得好味d都话吖，又油又咸又冇肉，真系有种被骗嘅感觉！莆田肉酥卷$95，一个字！入面旧肉饼超重口味，唔好食！芥菜粥$78，完全唔掂。芋头同粥都分离嘅，钻石山分店煮得好好味㗎，呢间完全系唔似样，唔好食！相都冇心机映。坐底挥手冇人理，服务员态度差，我知你忙，但都唔系咁嘅面口，咁嘅语气挂！可能当日坐得近厨房，伙记又成日嗌交，好嘈！我嚟食饭，唔系去街市听人嗌交㗎！执完枱嘅杯碟系凌空dump入车仔，水和食物渣弹出来，我张枱就系旁边咋，赶客咩！好失望，好失望，好失望！下次都系去帮衬佢其他分店喇。