韓一館 (已結業)

去愉景湾酒店住一星期，酒店本身餐厅唔多，所以大部份时间都会出返去愉景湾码头附近食饭。码头附近多半是西餐，我唔可以连续咁食咁多日西餐，所以就拣咗其中一间韩国嘢。服务好一般，个个都好似好忙咁。前菜系萝卜同埋腐皮，系就系好大碟，但系味道冇咩特别。主菜我叫咗我最钟意食嘅辣海鲜豆腐汤，个样好似几靓，但系味道都几令人失望，因为一啲都唔辣，急冻海鲜冇味，好彩嘅系豆腐都尚算嫩滑，同埋个饭都系用珍珠米，煮够热够烟勒。