影片
更多
2010-11-03
50 浏览
筹划咗2个几礼拜o既大闸蟹宴终于结束, 虽然唔能够画上完满句号, 但总算品尝过一餐全蟹宴, 而东海呢个 "大闸蟹专门店" o既称号, 我真系要拆佢招牌, 皆因今年大闸蟹同蟹粉都完全令人失望…全蟹宴餐单 :──────蟹粉小笼包一只 , 蟹粉蒜蓉多士, 蟹粉鱼饼, 蟹粉蜂巢, 蟹粉素方, 蟹粉竹笙卷, 大闸蟹一只, 瑶柱蛋白炒饭※※※※※※※※※※※※※※※※※※※※※※※※※※※※※※※※※※※※※※※※※※※※※首先每人嚟一只小笼包, 上枱时都只系微暖, 完全无热辣辣o既感觉, size 同平时o既差唔多, 但用料就丰富好多, 一咬个小笼包, d 蟹粉就流晒出嚟, 成个放入口感觉超正超饱满之后蟹粉蒜蓉多士到喇, 6小件摆放响一个木架上面, 而蟹粉就用一个陶艺器皿暖住, 但热o既效果完全无生效过, 虽然蟹粉+多士味道一向唔错, 但成件多士都系冷冰冰同硬"掘掘", 口感完全唔得至于蟹粉鱼饼, 我见到都 "吓" 咗一下, 份量真系少得可怜, 我谂鱼饼粒10粒都无, 6个人分每人2粒都无, 好在我哋一向都好礼让, 唔会有争食事件, 讲番味道就可以用"搭枱"嚟形容, 鱼饼加咗蟹粉之后, 完全无
全蟹宴餐单 :
──────
蟹粉小笼包一只 , 蟹粉蒜蓉多士, 蟹粉鱼饼, 蟹粉蜂巢, 蟹粉素方, 蟹粉竹笙卷, 大闸蟹一只, 瑶柱蛋白炒饭
※※※※※※※※※※※※※※※※※※※※※※※※※※※※※※※※※※※※※※※※※※※※※
首先每人嚟一只小笼包, 上枱时都只系微暖, 完全无热辣辣o既感觉, size 同平时o既差唔多, 但用料就丰富好多, 一咬个小笼包, d 蟹粉就流晒出嚟, 成个放入口感觉超正超饱满
之后蟹粉蒜蓉多士到喇, 6小件摆放响一个木架上面, 而蟹粉就用一个陶艺器皿暖住, 但热o既效果完全无生效过, 虽然蟹粉+多士味道一向唔错, 但成件多士都系冷冰冰同硬"掘掘", 口感完全唔得
至于蟹粉鱼饼, 我见到都 "吓" 咗一下, 份量真系少得可怜, 我谂鱼饼粒10粒都无, 6个人分每人2粒都无, 好在我哋一向都好礼让, 唔会有争食事件, 讲番味道就可以用"搭枱"嚟形容, 鱼饼加咗蟹粉之后, 完全无融合感觉, 都系分开食比较好
蟹粉蜂巢呢, 一致裁定最最最失败, 虽然表面系有d蟹粉, 但芋蓉完全盖晒蟹粉味, 等同酒楼平时食到o既芋角, 但而家索价廿几蚊一粒, 完全呃钱
再嚟蟹粉素方, 呢个还可以接受, 因为腐皮本身无味, 所以加蟹粉就食出味道来, 但略嫌腐皮较油
到最后一味蟹粉小菜~竹笙卷, 呢碟就似番d样, 起码份量大番dd, 同蟹粉结合咗味道ok㖞, 卷皮炸得香口唔油, 索价 $78 合理
第七味上场系主角大闸蟹, 大家都非常期待, 因为上个礼拜食o既 $28 大闸蟹都好多膏, 何妨呢只$88 有成4-5両 ! 大家急不及待开盖比较, 结果胜负难分, 因为只只蟹都唔肥美, 膏比 $28 还少, 十万个失望, 好彩无试二百几三百蚊果只啫, 如果唔系就揼心…
最后嚟o既 "饱肚炒饭" - 瑶柱蛋白炒饭, 系我觉得全晚至掂o既, 因为热辣辣兼几好味仲有好多料, 食落肚有种好实在o既感觉
整体嚟讲 : 好睇唔好食, 样样蟹粉都系冻冰冰, 完全无样系热辣辣o既, size 就迷你到好似小食/前菜咁, 而大闸蟹就差过稻香, 如果用二百几蚊, 我宁愿去稻香食几只仲好 !
6人共消费 : $1430
张贴
