糖室 (已結業)

两条友黎食甜品，真系做嘢后必做嘅事。食甜品可以放松心情，令到心情愉快，当然都要选择好味嘅甜品店，去到捐窿捐隙揾嘢食，走到老马咁远嘅南山村食甜品，其实都系咁岩喺附近做完嘢先走过来食。里面装修比较简约，餐牌都好得意，过胶一格格。虽然天气冻冻地，但系见到啲冰都好吸引，抺茶控点可以唔拣抺茶呢？宇治抹茶冰＄42里面有啲紫薯粒，手制抺茶饼，白凉粉，炼奶，蜂蜜，北海道牛乳雪糕。觉得最神奇嘅事情系实物竟然比图片仲要大，绿茶味都几香浓，食到里面就发现有好多宝物。除咗有好有口感嘅抺茶饼之外，仲有爽口凉粉，仲有啲牛奶味雪糕好滑，配埋炼奶和蜂蜜味道更加正。铁锅棉花糖吐司＄56呢个最得意系有少少热辣辣，咬起嚟仲可以拉到一条条丝！卖相本身已经好靓，都几大件架。上面都系有一球雪糕，隔离有士多啤梨同埋早餐脆片，又甜又酸口感层次都丰富。上面仲有啲糖粒粒，入口即溶而且价钱相宜，有少少谂起平时去烧烤场食嘅烧绵花糖。 如果想饮水嘅话自己去斟，自助形式唔使俾钱架。