吉祥日本料理 (已結業)

餐廳裝修新淨企理，行日式風格。座位舒適。點咗一杯鴨屎香凍檸檬茶（$38），一串燒白鱔（$58）同埋一個廚師發辦「翔」（$380）。呢個廚師發辦餐包括10件壽司，一條手卷，麵豉湯同甜品。燒白鱔串: 即叫即燒。白鱔肉厚，皮脆多汁。真鯛壽司：壽司師傅將魚生切成三片，令佢嘅咬口更好。魚生加咗少少檸檬汁，下面亦都加咗啲細蔥，令到本身味道比較清嘅真鯛味道更豐富。深海池魚壽司：口感爽口，魚肉帶油脂。味道清甜。赤貝：赤貝經過師傅拍打後，會見到佢啲肉喺度收縮。夏天係赤貝季節，依家食就啱晒。金目鯛壽司：口感棉身帶油潤感池魚壽司：魚味濃，口感林身新鮮鱈魚壽司：肥美鱈魚，口感綿滑，食到好香嘅油脂。毛蟹肉尋司：師傅加咗蟹膏喺入邊，所以成件壽司味道唔同晒！好味有驚喜。油金魚魚腩：呢件再肥啲，再爽啲。重魚味。長崎大拖羅壽司：師傅將魚生切成兩片薄片，更加確保客人食唔到有根。口腔內充滿油脂嘅香味。三文魚子壽司：每粒三文魚子都卜卜卜卜咁，好鮮味。日本海膽壽司：好甜嘅海膽！紫菜好脆拖羅手卷：師傅喺入邊加咗芝麻同蔥，令手卷更加惹味麵豉湯：入邊有海帶同埋豆腐，味道唔會太鹹。紅豆雪糕：有紅豆粒，少甜鴨屎香凍檸茶：茶味香，配埋檸檬