影片
更多
2009-11-26
294 浏览
记得之前食友揾食能手讲过香港最具质素的日式铁板烧, 不出三个选择,分别是松菱, 和三昧及花杯, 而我自己就会加埋秋田, 变为四大, 今次来到四大之首--松菱, 坐落于酒店3楼, 装潢设计新颖, 来到一定系试下佢地的又平宜水准又高的铁板烧 我和太座选择左要2个'竹'的铁板烧午市套餐($190), 套餐包括沙律, 三文鱼, 大虾或带子(二选一), 美国牛(厚烧或薄烧), 面豉汤, 野菜, 炒饭, 啧物和甜品, 另散叫左呢度名物--烧鳗鱼($20一安士), 今次负责我地台的系黄师傅, 我即暗自欢喜, 因为睇之前的食评中知道黄师傅系有料之人 铁板烧一般会上左个沙律先, 后然先食海鲜后食肉, 因为烧鳗鱼比较复杂而且需时, 所以黄师傅首先烧鳗鱼, 同时亦预备了各海鲜, 其实我自己对三文鱼无特别好感, 肉质亦无甚么特别味道, 但食落去味道竟然又不错㖞, 我估师傅知道全熟的三文鱼会好鞋口, 所以煮的时间稍稍缩短, 令到佢只有9成熟左右, 肉质唔鞋之余亦算嫩滑, 加上淡淡的酱汁, 令平时唔喜欢食三文鱼的我都食指大动了!! 跟住黄师傅烧大虾同带子, 大虾相信系虎虾, 只见师傅三爬两拨已把牠拆壳去头, 睇落
我和太座选择左要2个'竹'的铁板烧午市套餐($190), 套餐包括沙律, 三文鱼, 大虾或带子(二选一), 美国牛(厚烧或薄烧), 面豉汤, 野菜, 炒饭, 啧物和甜品, 另散叫左呢度名物--烧鳗鱼($20一安士), 今次负责我地台的系黄师傅, 我即暗自欢喜, 因为睇之前的食评中知道黄师傅系有料之人
铁板烧一般会上左个沙律先, 后然先食海鲜后食肉, 因为烧鳗鱼比较复杂而且需时, 所以黄师傅首先烧鳗鱼, 同时亦预备了各海鲜, 其实我自己对三文鱼无特别好感, 肉质亦无甚么特别味道, 但食落去味道竟然又不错㖞, 我估师傅知道全熟的三文鱼会好鞋口, 所以煮的时间稍稍缩短, 令到佢只有9成熟左右, 肉质唔鞋之余亦算嫩滑, 加上淡淡的酱汁, 令平时唔喜欢食三文鱼的我都食指大动了!!
跟住黄师傅烧大虾同带子, 大虾相信系虎虾, 只见师傅三爬两拨已把牠拆壳去头, 睇落去好似好快好容易, 相信我有排都学唔到, 带子(其实系扇贝)都颇大只, 连裙边, 橙色部份都一起煮熟奉上, 因为我同太座share, 师傅已细心地帮我地分开两份, 大虾同带子虽然只系冰鲜货, 但味道同质感绝对并不逊色于新鲜货色, 爽口非常, 就算连下栏的裙边, 橙色部份, 虾头奉上, 果然又几好味, 完全系见得人的小食
当日鳗鱼$20一安士, 一个人一般3安士已经足够, 即大概每人$60左右, 其实在煮三文鱼, 大虾同带子的同时, 黄师傅已经在同一时间准备烧鳗鱼, 其实烧鳗鱼都颇复杂, 首先将皮煎香, 不断要压著来烧, 令佢受热得平均, 又要不断番来番去, 接著将皮煎到脆, 再将块鱼切开为一小件, 再用酱汁同味醂煮至入味, 功夫十足, 一口咬落去十分弹牙, 有淡淡的酱汁味, 并没有一般食白鳝时的腥味, 黄师傅解释到因为系用海鳗, 没有河鳗的腥味, 所以特别新鲜弹牙, 虽然呢个唔系正宗日本铁板烧的菜式, 但因饮食节目中称赞过后而 声名大噪
食完晒海鲜就梗系食肉类, 我地选择左厚烧牛同薄烧各一, 牛系用美国牛, 肉味偏浓, 我地要7成熟, 基于厚烧牛的质素所限, 油脂不足, 所以烧出来的肉比较韧, 其实百多二百元的午餐都唔可以要求那么多, 反而薄烧牛却水准甚高, 薄薄的牛配上炒香的葱粒同蒜片, 咬落去却唔韧, 而且有点入口即溶的感觉, 真神奇, 黄师傅功架十足, 咁薄的牛怎能分辨煮到5, 6 或者7成, 煎多一两秒都差好远, 佢却谦虚但自信地话30年累积的经验, 好容易煮得到.....
最后煮的系日式炒饭同炒芽菜, 芽菜炒得爽口无草青味, 师傅系个木筒上将d新鲜的饭倒到铁板上, 加蛋, 葱, 凭著纯熟的手法炒到d饭粒粒分明, 甚有饭香, 原来技术好的都唔一定用冷饭的, 令已饱得八九成的我都它干掉了
最好奉上啧物同面豉汤, 汤比一般坊间的浓口, 真系喜欢呢个非常浓味但饮完又唔会觉得好咸好口渴的面豉汤, 食完后已饱到上心口, 连甜品咖啡味慕司都食唔落!!满足得很!!
食材有水准, 师傅功架好, 环境亦不俗, 只系用$275 (set$190+鳗鱼$60+加一), 真系十分超值的铁板烧午餐
张贴
