正品蕃茄湯麵店

营业中

休息中

本人为蕃茄爱好者，好多时点菜见到蕃茄都难以抗拒。一直以来都系香港食过唔同既蕃茄面，真心，无一间做到呢间咁出息。但因为唔就我出没地，上次黎食已经系大概两年前。首先，呢间蕃茄味既汤底系超好。食得出系由蕃茄煮成，完全无罐头味。而佢个面亦系超好味，唯独系面既份量略为少。当日叫左香芹蕃茄汤底既队长肉饼蕃茄面同埋黑椒蕃茄汤底既墨鱼饼蕃茄面。本人自细讨厌西芹，唯独黎到呢度会食，D香芹细细粒，同个汤底好夹。肉饼入面有香菇，口感丰富。而墨鱼饼有一种软绵绵既感觉，咬落去有少少弹口，又有煎过既香。另外蕃茄汤可以拣辣，不过我食唔到辣，就做唔到食评喇。不过都提提大家，如果需要纸巾，系需要$2一包，餐厅系唔会提供纸巾。当日，系星期六，中午未够十二点黎食。食客唔多，我同朋友两个人坐四人枱，坐得松动。但冷气就偏微弱。而餐厅会播一D烩炙人口既广东歌，首首都好岩听。整体黎讲，呢个价钱对应既食物质素同环境，系超值。