渝味曉宇重慶老火鍋 (聚賢逸居) (已結業)

令人怀念嘅麻辣火锅今日刚刚嚟香港大学探亚仔，顺便嚟呢度打边炉，之前嚟过都冇叫麻辣锅，今日终于可以试麻辣鸳鸯锅，因为我系普通辣所以我都可以接受得到。今次试咗个带到牛肝，上边有鹌鹑蛋捞匀左先至放落去煮2分钟，我几钟意牛肝嘅口感软软绵绵。另外试吓猪肉贡菜滑，加上贡菜后香气增加不少，猪肉滑够结实弹牙。亦系第一次食海带苗，口感几特别。当然唔少得我最钟意嘅嫩牛肉，真系好佩服佢哋拣牛肉嘅功夫，点样煮啲牛肉依然好滑。另外晓宇苕粉亦都系阿仔必食之选，烟烟韧韧，煮完之后仍然有一阵阵番薯嘅香气。好欣赏佢哋唔同分店个水准都保持得10分一致。