宮葉 パフェ (已結業)

脱完毛又嚟到宫叶食晚餐啦！贪佢价钱优惠，食物质素高所以成日都会嚟！今日又冻冰冰，所以就嗌左个日式猪排拉面($54)🐽🐽 汤底有d猪骨味，又唔会好咸，而面质就普通，偏硬身嘅！炸猪扒就几脆口，如果外面粉层可以薄d更好啦！之后就嗌左最邪恶嘅日式精选抹茶芭菲！($50)👘👘👘 真系好大一杯，而且非常丰富！上面抹茶雪糕好重抹茶味，所以食完会有d回甘，而且唔太甜，好适合怕甜嘅人！上面嘅蕨饼亦好出色，极浓抹茶味，配上雪糕食仲可以中和番💁🏻 去到下面就有各种生果，最欣赏哈密瓜，好清甜😛😛 甜点真系佢必食，可以再战多几次！