影片
更多
2018-12-18
195 浏览
平时做野太忙,放假都只系想喺屋企抖下, 好耐未试过好好食过tea过一个悠闲嘅下午。今次就趁年尾圣诞前同男朋友去左喺尖沙咀嘅La Mer Restaurant & Lounge食返个法式Afternoon Tea.呢间餐厅系由艺人黄长兴开嘅, 餐厅环境同布置都好有法国色彩, 场地唔算太大但好warm好舒服, 加上系圣诞前夕, 所以仲有圣诞装饰, 好有气氛!今次叫左个2人afternoon tea set, 三层架嘅摆设同卖相好靓,仲有另外嘅scones(英式松饼)配果酱。先食三层架最上嘅咸食, 分别系黑松露炒蛋牛油面包+ 什菌黑松露酥皮盒。黑松露炒蛋牛油面包- 闻落已经有好香嘅黑松露味, 食落其实好似平时食嘅牛油面包加炒蛋, 但系滑蛋炒得岩岩好,面包都几软熟加上夹杂住黑松露, 成个味道好丰富!什菌黑松露盒- 上层系什菌+黑松露, 仲有少少忌廉汁, 黑松露份量比起上面嘅面包更多, 味道更重, 下面就系几层嘅酥皮饼,口感似饼干硬得来又几松脆, 同岩岩软熟嘅牛油面包形成有趣嘅对比!中间果层就有生牛肉卷配松露酱 + 暖心朱古力挞生牛肉卷配松露酱- 呢个出乎意料咁好食, 因为我本身唔太钟意食生牛肉
今次就趁年尾圣诞前同男朋友去左喺尖沙咀嘅La Mer Restaurant & Lounge食返个法式Afternoon Tea.
呢间餐厅系由艺人黄长兴开嘅, 餐厅环境同布置都好有法国色彩, 场地唔算太大但好warm好舒服, 加上系圣诞前夕, 所以仲有圣诞装饰, 好有气氛!
今次叫左个2人afternoon tea set, 三层架嘅摆设同卖相好靓,仲有另外嘅scones(英式松饼)配果酱。
先食三层架最上嘅咸食, 分别系黑松露炒蛋牛油面包+ 什菌黑松露酥皮盒。
黑松露炒蛋牛油面包- 闻落已经有好香嘅黑松露味, 食落其实好似平时食嘅牛油面包加炒蛋, 但系滑蛋炒得岩岩好,
面包都几软熟加上夹杂住黑松露, 成个味道好丰富!
什菌黑松露盒- 上层系什菌+黑松露, 仲有少少忌廉汁, 黑松露份量比起上面嘅面包更多, 味道更重, 下面就系几层嘅酥皮饼,
口感似饼干硬得来又几松脆, 同岩岩软熟嘅牛油面包形成有趣嘅对比!
中间果层就有生牛肉卷配松露酱 + 暖心朱古力挞
生牛肉卷配松露酱- 呢个出乎意料咁好食, 因为我本身唔太钟意食生牛肉, 但系呢个生牛肉卷食落味道似烟肉,
但又唔会太韧, 系入口即溶嘅牛肉口感; 入面包住菜同松露酱, 味道好清新, 食完有唔够喉嘅感觉!
暖心朱古力挞- 本身以为系一个普通朱古力brownie,出面系脆饼皮, 咬开发现入面系暖暖嘅流心朱古力(似心太软), 朱古力味浓得来又唔会甜到漏,
好邪恶但真系令人好难抗拒!
最底果层就系全部甜点, 有自家制马卡龙+ 法式鲜果可丽露 + Menu上无嘅金箔果酱Muffin (自取嘅名)
自家制马卡龙- 睇到颜色以为系朱古力Macaron, 点知发现原来系 (第一次食芝麻味嘅Macaron)
口感好特别, 因为好烟韧 (有少少似食紧芝麻花生糖) , 但唔会太甜或太腻。
法式鲜果可丽露- 上面系无花果, 下面就系经典法式甜品可丽露, 可丽露睇落好似黑黑皱皱咁,
但实情外层系酥脆嘅焦糖皮, 内里就烟烟韧韧咁好得意! 钟意食法式甜品一定要试下!
金箔果酱Muffin(自取嘅名)-
你以为只系普通一个muffin? 点知原来另有惊喜!
下面系muffin, 上面有细细一层红色嘅果酱, 甜甜地好好味。
加上好多糖霜同「金箔」, 本身仲以为系普通金色嘅朱古力装饰, 但原来系!!爆炸糖来架!! 咬左啖muffin就有好多糖喺我口入面「爆炸」紧,
非常得意!
仲有就系英式松饼配果酱- 去英国嘅时候已经成日食,
因为好钟意佢软硬适中嘅口感。呢度嘅scones亦都唔错, 略嫌有少少干, 但配埋果酱 (系黑加仑子味)就岩岩好, 食完仲几饱下添!
最后就系饮品, 我地叫左Mocha同埋热柠茶
Mocha有好靓嘅心形拉花, 饮落奶同咖啡嘅比例岩岩好, 唔会太浓咖啡味或者太淡奶味! 男朋友饮完都赞不绝口!
热柠茶就普通啦, 无咩太特别haha
今次叫左个2人Afternoon Tea Set, 2个人只需要$298, 平均只系$150左右一个人就可以食到法式下午茶,
而且竟然惊喜地好食! (听到隔离枱都系咁赞!) 想好好享受一个悠闲嘅下午不妨一试!
张贴
