茶茶台式料理 (已結業)

好多时出黎饭聚，都会选择喺旺角，地点够晒方便。但旺角食饭最大问题就系餐厅通常都好逼，又好嘈，想倾下计都好似嗌交咁（又系土地问题？）。上星期几个旧同事饭聚，有个人就话揾到间好舒适，睇落又几好食既餐厅，咁我地就一行三人去食。呢间餐厅喺新宝戏院附近，叫做「茶茶。台式料理」。一入到去餐厅就觉得旧同事无讲错，间餐厅──好光猛＋楼底够高＋落地玻璃＋座位唔逼（我咁似介绍紧楼盘），好适合聚会倾计。呢间野主要系食台式火锅，仲有一ｄ台式小食选择。我地叫左２＊药膳豚肉锅，巴蜀烤鱼锅（ｂｂ辣），台湾小香肠，麻辣臭豆腐同埋铁板炒韭菜。野饮都有好多款！佢呢度都有做外带茶既生意（好有近年好ｈｉｔ既喜Ｘ影子）。我选择左「芝士茶茶八号（少甜，７５％糖）」，而佢地两个都系拣左「芝士莓莓」。除左芝士茶其实仲有珍珠奶茶，纯茗茶，水果茶果Ｄ。听住餐厅播罗志祥既歌（系我学生年代听果ｄ「爱*转角」）倾左一阵计，野饮好快就陆续送上，都几大杯！三十几蚊黎讲真系好抵饮。我果杯「芝士茶茶八号」芝士好滑！茶就有少少回甘又唔会太甜！一攞起左杯野饮真系唔系好舍得放番低！！试左两啖佢地既「芝士莓莓」，一样好得！系用新鲜莓，唔系求奇用莓酱或者用人工