燈籠滷味 (登龍街) (已結業)

终于有机会试呢间台湾过江龙啦！叫咗招牌灯笼卤味王子面、Shake Shake海苔盐酥鸡、甘梅香脆地瓜条同清新冬瓜仙草柠檬。卤水面可以车仔面式咁嗌𩠌，既然食紧台湾嘢，梗系要拣啲特别啲嘅𩠌啦！今次拣咗台湾直送水莲菜同百页豆腐。水莲菜香港人比较少机会食，口感爽脆，味道好清新，大推荐！百页豆腐非常软嫩。虽然卤水底较咸，但加埋啲𩠌就OK。另外仲嗌咗台式地道小食盐酥鸡同脆地瓜条。盐酥鸡酥脆可口，一啲都唔油。但可能因为唔油，佢比嘅海苔shake shake粉唔系好痴到上去😂。地瓜条粗身、外脆内软，番薯肉味道香浓，梅子粉有啲太甜、梅味唔算香，个人认为唔点梅子粉仲好食。会再返嚟食止台湾瘾！下次试吓叫抗疫二人套餐。