影片
更多
2020-05-31
890 浏览
想食韩国野就睇下附近有咩韩国餐厅，见呢间四四正正就拣左佢，如果时间可以倒流，我希望我从来都无遇见呢间餐厅...两个人，一人叫左牛肉拌饭，一人叫左炸酱面，两个都系商务套餐，有啲小菜咁。照计两个都系稳阵野，点知间餐厅可以整到咁唔稳阵。先讲牛肉拌饭，一上嚟，哗，你整完容嚟呀，同张图好唔同。据我朋友形容，好似碟头饭一样，多汁甜牛肉放在白饭上，伴以寥寥可数嘅红萝卜同生菜，话系拌饭都有啲侮辱个拌字，因为无咩好拌。至于炸酱面，睇落就靓靓仔仔嘅，但食落就知真章。我都总算喺韩国食过几餐炸酱面，每间餐厅都总有啲唔同，但食落会知系炸酱面。但呢碗炸酱面食第一啖就觉得唔对路，咁样系炸酱面的味道吗？我点解会有一丝西式意粉嘅感觉。泡菜无腌到我地觉得系攞错左只腌左一阵嘅泡菜比我地，你睇，仲白色嘅。泡菜蒜头我地第一次食，有种奇妙嘅味道，奇妙到我嘅表情令我朋友好想试下系几咁奇妙。大豆芽呢碟系最超乎水准（相比其他嚟讲），但有啲会过咸，怀疑系因为啲盐捞得唔匀。个汤得我朋友有，佢话系冻嘅，味道正常，系啲猪肉好难食，我见佢饮左一啖就摆埋一边。佢有一个角落有得比人自己拎泡菜，由我地一坐低去到食到中尾段都系吉嘅，然后终于等到佢地re
两个人，一人叫左牛肉拌饭，一人叫左炸酱面，两个都系商务套餐，有啲小菜咁。照计两个都系稳阵野，点知间餐厅可以整到咁唔稳阵。
先讲牛肉拌饭，一上嚟，哗，你整完容嚟呀，同张图好唔同。据我朋友形容，好似碟头饭一样，多汁甜牛肉放在白饭上，伴以寥寥可数嘅红萝卜同生菜，话系拌饭都有啲侮辱个拌字，因为无咩好拌。
至于炸酱面，睇落就靓靓仔仔嘅，但食落就知真章。我都总算喺韩国食过几餐炸酱面，每间餐厅都总有啲唔同，但食落会知系炸酱面。但呢碗炸酱面食第一啖就觉得唔对路，咁样系炸酱面的味道吗？我点解会有一丝西式意粉嘅感觉。
泡菜无腌到我地觉得系攞错左只腌左一阵嘅泡菜比我地，你睇，仲白色嘅。
泡菜蒜头我地第一次食，有种奇妙嘅味道，奇妙到我嘅表情令我朋友好想试下系几咁奇妙。
大豆芽呢碟系最超乎水准（相比其他嚟讲），但有啲会过咸，怀疑系因为啲盐捞得唔匀。
个汤得我朋友有，佢话系冻嘅，味道正常，系啲猪肉好难食，我见佢饮左一啖就摆埋一边。
佢有一个角落有得比人自己拎泡菜，由我地一坐低去到食到中尾段都系吉嘅，然后终于等到佢地refill，大家都好急不及待出去拎，好快又清空左。试左个泡菜同腌萝卜，泡菜依然系𠮶只泡菜，腌萝卜喺泡菜嘅衬托之下显得好好食。
间餐厅实力平均，大部分食物都系维持同一水准，所以饭后橙令我地好失望，因为佢竟然系好食嘅甜，虽然我唔知我𠮶瓣点解会无左一忽。
其实我地都怀疑系我地味蕾有问题，因为其他食客好似食得好开心，面带笑容。究竟系只有呢两个set特别，定系我地嗒唔出佢嘅好味道呢，我唔知。
To eat or not to eat, this is your question.
张贴
