影片
更多
2024-10-21
188 浏览
中学时期，大部分时间都系喺粉岭联和墟。每一次返到嚟呢个小天地，都会谂起自己读中学嘅时间，过了打打骂骂的年纪，想起了那时候岁月静好、红尘无忧。十年人事几翻新，虽然以前嘅联和墟同现在比较会有啲分别，不过好多人情味小店，还有拎住自家种植蔬果出嚟卖嘢嘅伯伯婆婆依旧不变。今日嚟到联和墟呢一间T cafe,虽然我读中学𠮶阵佢都仲未开，不过佢闻名北区嘅咖啡奶茶就吸引到我嘅注意。今日难得me time一个人嚟到粉岭，去咗呢一间位于旧区嘅新舖，一尝慕名已久的奶茶。🐔焗鲜茄鸡扒饭唔知道你哋心目中嘅焗饭系点嘅呢？仲记得细个爸爸妈妈带我去餐厅度食,面头总系有少少㶶㶶地，好香嘅芝士味！唔会好似而家某啲大集团咁拎去烘一烘就当话焗饭畀人食，值得讲下嘅系佢呢度嘅鸡扒，嫩滑弹牙，蕃茄汁真系有鲜茄，炒饭底亦都好够干身，以五十几蚊仲要送埋餐饮嘅价钱嚟讲，如果佢返嚟我屋企马鞍山附近应该赢晒9成餐厅🤣🧋港式冻奶茶讲一个餐饮业嘅小秘密畀大家知，应该都唔少人钟意饮奶茶。以前旧式嘅师傅做法系会自己将粗茶幼茶同埋lipton茶进行拼配，而现在大部分嘅餐厅都已经有拼配茶可以叫货，少咗呢一个工序。想冲一杯好饮嘅奶茶首先就要有一个奶茶袋隔干
每一次返到嚟呢个小天地，都会谂起自己读中学嘅时间，过了打打骂骂的年纪，想起了那时候岁月静好、红尘无忧。
十年人事几翻新，虽然以前嘅联和墟同现在比较会有啲分别，不过好多人情味小店，还有拎住自家种植蔬果出嚟卖嘢嘅伯伯婆婆依旧不变。
今日嚟到联和墟呢一间T cafe,虽然我读中学𠮶阵佢都仲未开，不过佢闻名北区嘅咖啡奶茶就吸引到我嘅注意。
今日难得me time一个人嚟到粉岭，去咗呢一间位于旧区嘅新舖，一尝慕名已久的奶茶。
🐔焗鲜茄鸡扒饭
唔知道你哋心目中嘅焗饭系点嘅呢？
仲记得细个爸爸妈妈带我去餐厅度食,面头总系有少少㶶㶶地，好香嘅芝士味！唔会好似而家某啲大集团咁拎去烘一烘就当话焗饭畀人食，
值得讲下嘅系佢呢度嘅鸡扒，嫩滑弹牙，蕃茄汁真系有鲜茄，炒饭底亦都好够干身，以五十几蚊仲要送埋餐饮嘅价钱嚟讲，如果佢返嚟我屋企马鞍山附近应该赢晒9成餐厅🤣
🧋港式冻奶茶
讲一个餐饮业嘅小秘密畀大家知，应该都唔少人钟意饮奶茶。以前旧式嘅师傅做法系会自己将粗茶幼茶同埋lipton茶进行拼配，而现在大部分嘅餐厅都已经有拼配茶可以叫货，少咗呢一个工序。
想冲一杯好饮嘅奶茶首先就要有一个奶茶袋隔干净里面嘅茶渣，用大火煲滚大概20分钟左右急速撞茶，然后再回火十分钟左右。
呢度嘅师傅冲嘅奶茶真心唔错👍一啲都唔会鞋口🥰
你哋知唔知呢间餐厅喺边？
张贴
