Mata Japanese Cuisine

营业中

休息中

今日响附近做完facial同整指甲顺便约咗男朋友响附近食晚饭试吓新嘢，费事来来去去都系食屋企附近𠮶几间~ 上OpenRice见到呢间都几多好评同埋近地铁站，一于试下~ 可能因为依头办公室多，人流集中响食晏时间，我哋夜晚嚟唔算多人，肚饿嘅我哋好快就坐低咗叫嘢食~ 呢度啲职员都好Nice，介绍咗几样必食既野俾我哋，反正我哋都冇乜头绪要食乜，一于就跟佢推荐~ 其中令我印象最深刻嘅就系右口鱼，因为第一次听，之前净系食过同埋听过左口鱼，估唔到原来有右口鱼依样野职员话右口鱼系肥美过左口鱼，食落油香味更加重，佢果然冇介绍错，d鱼一入口，脂肪已经半溶于口，好邪恶不过真系好香好好食嚟到呢度一定要试另外我哋都食咗好多人话唔错嘅味噌煮牛舌，牛舌炆得好淋所以的确几好食，不过右口鱼已经令我太惊艳所以成餐饭都回味紧佢另外呢度都提供七彩颜色嘅Cocktail，仲会用好得意嘅酒杯装住，本身都怕饮落似药水味会好奇怪所以我哋净系叫咗一杯试吓，点知饮落系好自然清新嘅果味，搞到男朋友忍唔住叫多杯试多个味~ 总括嚟讲餐厅非常值得一试， 有下次