A.T.A.S

营业中

休息中

去铜锣湾做完body check，就喺附近嘅A.T.A.S食埋饭。虽然呢度系属于自助式，但系环境宽敞，座位之间空间感十足，坐喺餐厅入面都好舒适。呢度主要系做星马风味嘅菜式。叻沙材料包括有虾、鱼蛋、豆卜同洽蛋，用料十足，而且汤底辣得嚟够晒香口。叻沙可以选择唔同嘅面条，而我就拣咗粗米粉，即系类似平时食开嘅米线。炸鱼片米粉同样用上粗米粉，再配上炸鱼片、白菜、蕃茄，鱼汤呈奶白色，滋润得嚟又唔会腥。炸鱼片仲配埋紫菜，朔晒汤劲好味。特别要推介佢哋嘅咖椰爆浆，总共有两款口味，而我就拣咗花生酱配朱古力榛子酱，上面再洒上厚厚嘅美禄粉。入边内藏一片牛油，再配埋朱古力榛子酱，真系人间美食。潮流兴Black Pink，其实佢系玫瑰露仙草，少甜嘅味道都几啱饮。而班兰薏米水味道就更加清新，加入咗薏米令饮品有淡淡的米香。