南瀛水產

【尖沙咀】南瀛水产无论食物、环境、气氛都好似去左日本咁嘅日式居酒屋。斋睇装修以为专门食炉端烧，之不过菜单上嘅料理款式可算系五花八门。星期五嘅夜晚，爆晒场啊，walk-in 喺门口等咗大概20分钟，食晚市建议提早订枱。店内嘅装修会令人感觉好似去咗日本水产市场，每一个角落都有用心设计过👍🏻每张枱上面都有一个炉，嗌咗烧水产的话会有专人喺你前面为你烧。不过今日系想食冻野嘅心情，下次再嚟就试埋炉端烧啦！云丹蟹肉卷 $228估唔到海胆份量都几多，海胆甜、creamy，无腥味，上面仲加咗松露。蟹肉嘅份量亦都唔少，配埋青瓜丝，一啖食落去口感好丰富，好幸福啊。深海池鱼 $238/客肉质有弹性，好新鲜，薄切用嚟送酒一流。土佐豆腐 $68外脆内嫩，炸得恰好，配埋木鱼汁，令人食过返寻味，必食！