拉麵達人 (已結業)

𠮶日约咗朋友食饭，朋友话想食拉面，咪系佐敦附近揾吓啰。之后揾到一间拉面店，就入去试吓。入到去座位唔算太多，装修好有日本风格，仲播住我细个时候嘅日本歌，我哋九点钟到达，可能因为比较夜所以即刻就有位。四周围摆放住好多我细个时嘅零食同玩具，好有童年回忆。拉面同小食都有好多选择，除此之外可以食定食添。仲有其他升级优惠。鸡软骨饺子皮薄而且煎嘅时间刚刚好，啲肉汁留系饺子入面，咬落去嘅时候仲有爽脆嘅鸡软骨，口感一流。博多达人叉烧加蟹棒同蟹子，好香猪骨汤味。达人拉面材料丰富，仲有好靓嘅流心蛋。食之前仲可以随自己喜好，加入配料。面条爽口弹牙，猪骨汤味浓，叉烧好有肉味肥瘦均匀，食到停唔到口之余连汤都飮晒。餐厅环境唔错而且店员态度友善。