影片
更多
2024-03-03
353 浏览
黄竹坑开咗新嘅商场，虽然有啲餐厅都未开晒，但系见到一个熟悉嘅面孔：皇后饭店，晚市有套餐供应，会有出名嘅罗宋汤，可以配沙律或焗田螺，拣个主菜加埋餐饮，价钱约$260都几合理！先嚟嘅罗宋汤，色泽红润，味道够晒浓郁，有蔬菜甜味，又有牛嘅肉味，配埋热焫焫嘅餐包+牛油，回忆即刻返哂嚟！大虾薯仔沙律，味道几清新，薯仔唔会太多沙律酱嘅调味，底有少少蔬菜，配埋面头嘅大虾，非常不错！招牌红酒炖牛尾，铁板上枱，味道非常浓郁，带月桂叶及八角香，牛尾非常入味，又唔会太软糯。另外朋友叫了一个招牌原只香烧鸡，一上枱闻到浓郁嘅香辣味，外皮做得非常香脆，切开鸡肉依然粉嫩，用上秘制嘅北非辣粉，带点大蒜香又有少少孜然香气，加上垫底嘅青红椒，洋葱及薯仔，非常惹味，味道好突出又有特色。另外再叫咗一个焗猪扒饭，饭底炒得够香，铺面嘅猪扒厚身，一咬就可以咬开，茄膏调味都非常浓郁，再配上一啲新鲜蕃茄铺响面，完全食唔停口。之后见到个甜品餐牌，居然有好耐冇见嘅香蕉船，忍唔住口又叫咗一个，传统嘅做法切开香蕉，中间夹住三个不同味嘅雪糕球，面有一把好精致嘅纸伞点缀，加埋忌廉，士多啤梨及蓝莓点缀，入口依然系香蕉船嘅味道，不过味道就精致些，有咖啡
晚市有套餐供应，会有出名嘅罗宋汤，可以配沙律或焗田螺，拣个主菜加埋餐饮，价钱约$260都几合理！
先嚟嘅罗宋汤，色泽红润，味道够晒浓郁，有蔬菜甜味，又有牛嘅肉味，配埋热焫焫嘅餐包+牛油，回忆即刻返哂嚟！
大虾薯仔沙律，味道几清新，薯仔唔会太多沙律酱嘅调味，底有少少蔬菜，配埋面头嘅大虾，非常不错！
招牌红酒炖牛尾，铁板上枱，味道非常浓郁，带月桂叶及八角香，牛尾非常入味，又唔会太软糯。
另外朋友叫了一个招牌原只香烧鸡，一上枱闻到浓郁嘅香辣味，外皮做得非常香脆，切开鸡肉依然粉嫩，用上秘制嘅北非辣粉，带点大蒜香又有少少孜然香气，加上垫底嘅青红椒，洋葱及薯仔，非常惹味，味道好突出又有特色。
另外再叫咗一个焗猪扒饭，饭底炒得够香，铺面嘅猪扒厚身，一咬就可以咬开，茄膏调味都非常浓郁，再配上一啲新鲜蕃茄铺响面，完全食唔停口。
之后见到个甜品餐牌，居然有好耐冇见嘅香蕉船，忍唔住口又叫咗一个，传统嘅做法切开香蕉，中间夹住三个不同味嘅雪糕球，面有一把好精致嘅纸伞点缀，加埋忌廉，士多啤梨及蓝莓点缀，入口依然系香蕉船嘅味道，不过味道就精致些，有咖啡味及不同的朱古力味。
老店菜式果然做得好扎实，每一口都有种令人怀念嘅味道！
张贴
