大門橫丁串燒手打烏龍麵店 (已結業)

呢间野嘅牛脷同乌冬实在令人回味。上星期独个儿食晏，梗系去回味回味啦！叫咗个咖哩牛脷捞乌冬 ($34)。呢个美食只得午市有，晚市menu系无嘅。坐喺bar 枱前，可以见到师傅们忙碌咁行黎行去，煮黎煮去。由于都几多人，所以等咗15 mins先有得食。咖哩汁够多，稀稠适中，包晒每条乌冬。咖哩不辣，又有薯仔粒。乌冬烟韧又弹牙；最出色当然系牛脷啦！有五块厚切牛脷，块块都有成1cm 厚。口感超正，牛脷好软滑，块块都好淋，吸晒咖哩汁，真系令人好回味！质素超好，也能保持水准。